(කේ බුද්ධික කුමාරසිරි)

බත්තරමුල්ල රොබට් ගුණවර්ධන මාවතේ දී යතුරුපැදියකින් පැමින පුද්ගලයකුට වෙඩි තබා ඝාතනය කිරීමේ සිද්දීයේ මහ මොලකරු ඇතුලු දෙදෙනකු අත්අඩංගුවට ගත් බව තලංගම පොලිසිය පවසයි.

ඩුබායි රටේ සැඟවී සිටින ගඩ්ඩා නොහොත් මාකස් ජෝස්ප්ගේ කල්ලිය සහ විදේශගතව සිටින බත්තරමුල්ල බන්ටිගේ පාතාල කන්ඩායම් අතර ගැටුමේ ප්‍රතිපලයක් ලෙස මෙම ඝාතනය සිදුකර ඇති බව තලංගම පොලීසියේ නිලධාරින් අනාවරනය කරගෙන ඇත.

මෙලෙස අත් අඩංගුවට ගෙන ඇත්තේ මෙම ඝාතන සැලසුම් කළ බව කියන අතුරුගිරියේ 34 තරුණයෙකි.

සැකකරු  මෙය සැලසුම් කර ඇත්තේ ඩුබායි රටේ සැඟවී සිටින ගඩ්ඩා නොහොත් මාකස් ජෝස්ප්ගේ උපදෙස් මත බව මූලික පරීක්ෂණවලින් හෙලි වූ බව ද පොලීසිය පවසයි .

මෙම සැකකරුට හා ගඩ්ඩාහට අතුරුගිරියේ සිදුවූ ඝාතනයක් සම්බන්ධයෙන් මිනීමැරුම් චෝදනාවක්ද ඇති බවත් මැසෙන්ජර් හරහා ඩුබායි සිටින ගඩ්ඩා නැමැත්තා සමග තොරතුරු කතාබහ කර ඇති බවද අනාවරණය වී ඇත.

සැකකරු සමග ඝාතනය සදහා භාවිතා කළ යතුරු පැදියට යොදාගත් ව්‍යාජ අංකතහඩුව සකසන ලද අතුරුගිරියේ පුද්ගලයකු ද අත්අඩංගුවට ගෙන ඇත.