(සුජිත් හේවාජුලිගේ සහ අංජුල මහික වීරරත්න)


ත්‍රස්ත විරෝධී පනත් කෙටුම්පත පාර්ලිමේන්තුවේ න්‍යාය පත්‍රයට ඇතුළත් කර නොමැති හෙයින් එම පනත් කෙටුම්පතේ ව්‍යවස්ථානුකූලභාවය තීරණය කිරීමට බලයක් නොමැති බව  ශ්‍රේෂ්ඨාධිකරණය දන්වා ඇතැයි නියෝජ්‍ය කතානායක අජිත් රාජපක්ෂ මහතා පාර්ලිමේන්තුවේදී අද  (7) පැවසීය.

ඒ අනුව එම පනත් කෙටුම්පත සම්බන්ධයෙන් ලැබී ඇති පෙත්සම් දහයක් සම්බන්ධයෙන් කටයුතු කිරීම අවසන් කළ බව ශ්‍රේෂ්ඨාධිකරණය කතානායක වරයාට දැනුම්දී ඇතැයිද නියෝජ්‍ය කතානායකවරයා කීවේය.

නියෝජ්‍ය කතානායකවරයා මෙසේ පැවසූවේ  සභාවේ කටයුතු ආරම්භයේදී   නිවේදන ඉදිරිපත් කරමිනි.