(සුජිත් හේවාජුලිගේ )

ආරක්ෂාව සම්බන්ධයෙන් තර්ජනයක් නොතිබියදීත් ප්‍රභූ ආරක්ෂක නිලධාරීන්   ලබාදී ඇති දේශපාලනඥයන්, ඇතුළු විවිධ තරාතිරම්වල ප්‍රභූවරුන්  සම්බන්ධයෙන් සොයා බලා වාර්තා කඩිනමින්  ඉදිරිපත් කරන ලෙස මහජන ආරක්ෂක අමාත්‍ය ටිරාන් අලස් මහතා රාජ්‍ය බුද්ධි සේවයට  පසුගිය සතියේදී දැනුම්දී ඇත.

මේ සම්බන්ධයෙන් අප කළ විමසුමකදී අදහස් දැක්වූ ටිරාන් අලස් මහතා පැවසුවේ දේශපාලනඥයන් ඇතුළු විවිධ තරාතිරම්වල පුද්ගලයන්ට අනවශ්‍ය ආකාරයට ලබාදී ඇති පොලිස් නිලධාරීන්  ළඟදීම ඉවත් කිරීමට කටයුතු කරන බවයි

ආරක්ෂාව පිළිබඳව තර්ජනයක් නොමැති පුද්ගලයන්ට මේ ආකාරයට පොලිස් නිලධාරීන් පන්දහසකට ආසන්න පිරිසක් යොදවා සිටින බවට තොරතුරු ලැබී ඇතැයිද හෙතෙම සඳහන් කළේය.

මේ තත්වය හේතුවෙන් පොලිසියේ සාමාන්‍ය  රාජකාරී කටයුතු සඳහා පොලිස් නිලධාරීන්ගේ බරපතළ  හිඟයක් මතුව ඇතැයි වාර්තා වේ.