(අංජුල මහික වීරරත්න)
වී වගාව සඳහා ඩ්රෝන් යන්ත්ර උපයෝගි කර ගැනීමේ වැඩ සටහන මෙවර යල කන්නයේ දී පළමුවරට අරඹන බව කෘෂිකර්ම අමාත්යාංශය පවසයි.
වී වගාව සිදු කෙරෙන සෑම දිස්ත්රික්කයකටම කෘෂි අංශ කුසලතා සභාව විසින් ගොවිජන සේවා මධ්යස්ථාන වෙත ඩ්රෝන යන්ත්රය බැගින් ලබා දීමේ වැඩ පිළිවෙළක් අරඹා ඇති අතර මෙහි පළමු අදියර යටතේ අනුරාධපුර, හම්බන්තොට, කුරුණෑගල, පොලොන්නරුව, වව්නියාව හා අම්පාර දිස්ත්රික්ක සඳහා ඩ්රෝන යන්ත්ර 100ක් ලබා දෙන බව කෘෂි අංශ කුසලතා සභාවේ සභාපති කාවින්ද දිසානායක මහතා පැවසීය.
දෙවන අදියර යටතේ වී වගා කරන සෑම දිස්ත්රික්කයකම ගොවිජන සේවා මධ්යස්ථාන 563ටම ඩ්රෝන යන්ත්රයක් බැගින් ලබා දීමට කටයුතු යොදා ඇතැයි ද දිසානායක මහතා කීය.
රුපියල් ලක්ෂ 70ක් පමණ වන මෙම ඩ්රෝන යන්ත්රයක් උපයෝගි කර ගනිමින් පළිබෝධ නාශක ඉසීම, පොහොර ඉසීම, වී වැපිරීම, කුඹුරු මැනීම මෙන්ම රෝග හඳුනාගැනීම ද සිදු කළ හැකි අතර අඩු පිරිවැයකින් එම කටයුතු ඉටු කර ගැනීමට හැකිවීම ගොවීන්ට වාසිදායක බව කෘෂි අංශ කුසලතා සභාව පවසයි.
COMMENTS
Reply To:
Sisira - cb chds hcdsh cdshcsdchdhd
ෆොටෝ ගහගෙන ඇමති සහ ටයි කාරයෝ ටිකක් වටකරගෙන සංදර්ශන දන්නේ නැතුව මේ වැඩේ දැනටමත් මාලිමාවෙන් පාලනය වෙන සමූපකාර සමිති කීපයක්ම වෙනවා
හරි ප්රමිතියකින් යුතු සැපයීමට පියවර ගත යුතුව ඇත. නැතිනම් වැඩකරන්න බැරිවෙයි, මුදල් අපතේ යයි.
ඇමතිතුමෝ.. ඉදිරියේදී ආණ්ඩුවේ ඡන්ද ප්රචාර පත්රිකා බෙදන්න වෙන්නේත් ඩ්රෝන වලින්ම තමයි. මොකද නියෝජිතයින්ට පයින් නම් ඡන්ද දායකයින් හමුවීමට යන්නට තරම් සුදුසු ආරක්ෂිත වාතාවරණයක් දැන් රටේ නෑ...!
ඔයාලාට වඩා ගව් ගණනක් දුරින් ජාතික ජනබලවේගය හිතන බව, වැඩකරන බව මේකෙන්ම පේනවා. රටට හරියන්නේ මාලිමාවේ ආණ්ඩුවක් කියලා ඔප්පු කරලා පෙන්නුවාට ස්තුතියි...!
ගෝඨා මාලිමාවේ ප්රතිපත්ති ඉස්සුවා... හැබැයි කොපි කළාට පේස්ට් කරන්න දන්නෑ.. මේ ගැනත් කියන්න තියෙන්නේ ඒකම තමයි.. ලොකු සීන් දාලා පෙන්නන්නේ මාලිමාව දැනටමත් කරන දෙයක්.. ලැජ්ජා නැති පාදඩයා.. ආයෙමත් එයාට බලය දීලා කරන පාහර වැඩවලට අප්පුඩි ගහන්න ද හිතන් ඉන්නේ?