2025 මැයි මස 24 වන සෙනසුරාදා
(අංජුල මහික වීරරත්න)
ජනාධිපති අනුර කුමාර දිසානායක මහතා සහ ඩිජිටල් ආර්ථික අමාත්‍යාංශයේ නිලධාරීන් හා අදාළ ආයතන ප්‍රධානීන් අතර හමුවක් අද (16) පස්වරුවේ ජනාධිපති ලේකම් කාර්යාලයේ දී පැවැත්විණි.
රජයේ ප්‍රමුඛ සංවර්ධන උපායමාර්ගයක් වන ඩිජිටල් ආර්ථික සංවර්ධනයට අදාළ මාර්ග සිතියම යටතේ සැලසුම් කරන ලද ප්‍රධාන ව්‍යාපෘතිවල ප්‍රගතිය පිළිබඳව මෙහිදී විශේෂ අවධානය යොමු විය.
මෙම සාකච්ඡාවේදී ජනතාවට වැඩි ප්‍රතිලාභ ලබා දෙන පොදු ඩිජිටල් යටිතල පහසුකම් සඳහා වූ විසඳුම් කඩිනම් කිරීම සහ විශේෂයෙන් විද්‍යුත් ජාතික හැඳුනුම්පත, GovPay රාජ්‍ය ගෙවීම් පද්ධතිය, ඩිජිටල් රූපවාහිනී ව්‍යාපෘතිය හා ඩිජිටල් ආර්ථික ආදායම් ඉලක්ක සම්බන්ධයෙන් දීර්ඝ වශයෙන් සාකච්ඡා කෙරිණි.
ශ්‍රී ලංකා විදුලි සංදේශ නියාමන කොමිෂන් සභාවේත් ශ්‍රී ලංකා දත්ත ආරක්ෂණ අධිකාරියේත් කටයුතු පුළුල් කිරීම පිළිබඳව මෙන්ම නව නීති මගින් ඩිජිටල් ආර්ථික අධිකාරිය හා සයිබර් ආරක්ෂණය පිළිබඳ ආයතන පිහිටුවීම පිළිබඳ යෝජනාද මෙහිදී සමාලෝචනය කරනු ලැබීය.
ඩිජිටල් ආර්ථික නියෝජ්‍ය අමාත්‍ය එරංග වීරරත්න, ඩිජිටල් ආර්ථික අමාත්‍යාංශයේ වැඩබලන ලේකම් වරුණ ශ්‍රී ධනපාල, ඩිජිටල් ආර්ථිකය පිළිබඳ ජනාධිපති ජ්‍යෙෂ්ඨ උපදේශක ආචාර්ය හාන්ස් විජේසූරිය, ජනාධිපති ජ්‍යෙෂ්ඨ අතිරේක ලේකම් රෝෂන් ගමගේ යන මහත්වරු සහ ඩිජිටල් ආර්ථික අමාත්‍යාංශයේ හා අදාළ ආයතනවල සභාපතිවරු, ප්‍රධාන විධායක නිලධාරීහු ඇතුළු පිරිසක් මෙම අවස්ථාවට එක්ව සිටියහ.
2025 මැයි මස 23
67
0
ජාත්‍යන්තර වෙළෙඳපොළ පිලිබඳ විශේෂඥතාවක් ඇති ඩිජිටල් පරිවර්තන සමාගමක් වන Victrix Tech (Pvt) Ltd, ශ්‍රී ලංකාවේ ව්‍යාපාරික වෙළඳපොළ සඳහා සිය ව්‍යාපාර කටයුතු පුළුල් කර
2025 මැයි මස 16
480
1
පැවති 7 වන ගෝලීය ව්‍යාපාර නායකත්ව සංසදයේදී, ලෝක සාමය සහ රාජ්‍ය තාන්ත්‍රික සංවිධානය (WPDO) වෙතින් තිරසාරභාවය සහ සාමය සඳහා වූ සුවිශේෂී දායකත්වය වෙනුවෙන් මොහ
NSBM හරිත සරසවිය මැයි 17 සහ 18 යන දෙදින පවත්වන ’’NSBM Open Day’’ සමඟ මහජන ප්‍රදර්ශනය සඳහා විවෘත වේ.
ඩිජිටල් ආර්ථිකය කඩිනම් කරන්නැයි ජනපතිගෙන් උපදෙස්
නිමල් Saturday, 17 May 2025 08:33 AM
තවත් සුදු අලි ව්‍යාපෘති, රටේ සල්ලි කාබාසිනියා කරන වැඩක් විතරයි. ඩිජිටල් හැඳුනුම්පත හදන වැඩේ ඉන්දියාවේ සමාගමකට දෙන වැඩපිළිවෙල නේද මේ වෙන නමකින් යන්නේ...?
Lakmal Saturday, 17 May 2025 09:35 AM
හාන්ස් මහත්තයා ඩිජිටල් ආර්ථිකය හදනවා වෙනුවට ඩයලොග් ආයතනයට තවත් මිනිස්සුන්ව හූරන් කන්න උදව් වෙනවා. ස්ටාර්ලින්ක් එක කඩාකප්පල් කළා. මේ වගේ තනතුරු වලට දාන්න ඕනෑ අපක්ෂපාතී නිලධාරීන්ව...
de silva berlin Saturday, 17 May 2025 12:32 PM
කටින් කීවට ඕවා සිද්ධ වෙන්නේ නැහැ. ඩිජිටල් කරාම ඕවා ප්‍රයෝජනයට ගන්න හැමෝටම ජංගම දුරකථන සහ වියාපාරික ස්ථාන වලට පොස් මැෂින් වැනි උපකරණ අවශ්‍ය වෙනවා. මේවාට අධික තීරු බද්දක් ගහනවා. ඩිජිටල් කරන්න ඕනේ නම් අදාල උපකරණ වලට ගහන බද්ද 10% දක්වා අඩු කරන්න. ක්‍රෙඩිට් කාර්ඩ් වලින් ගෙවීම් කරනකොට 3% කමිෂන් එකක් අදාල මූල්‍ය ආයතන ගන්නවා. එම කමිෂන් 1% වැඩිය අඩු අගයකට ගෙන එන්න නීති සම්පාදනය කරන්න රජයට පුළුවන්.., ක්‍රෙඩිට් කාර්ඩ් මැෂින් එකට ලක්ෂ 2-3 අවම මාසික අගයක් තිබෙන්න ඕනේ... එහෙම නොමැති වුනොත් බැංකු මාස්පතා දඩ මුදලක් අය කරනවා. රට ඩිජිටල් කරන්න අවශ්‍ය නම් රජය මෙවැනි ප්‍රශ්න ගැන සොයා බලලා අවශ්‍ය තීන්දු තීරණ ගන්න ඕනේ...
R.T. sarath Saturday, 17 May 2025 06:37 PM
ඔය හාන්ස් මහත්මයාගේ ක්‍රියාකලාපය පිලිබඳ ප්‍රශ්න තිබෙනවා, ඔහු ඩයලොග් සමාගමට යම්කිසි ලැදියාවක් තිබෙන බව පෙනී යනවා.. ඔය ඩිජිටල් ආර්ථික හදන්න අවශ්‍ය නම්, ලංකාවේ ටෙලිෆෝන් ඩේටා මිල 50% පමණ අඩු වෙන්න ඕනේ, අනුර සහෝදරය ඔය හාන්ස් විශ්වාස කරලා අමාරුවේ වැටෙන්න එපා... ඔය ඩිජිටල් වැඩේට තමන්ට විශ්වාස කෙනෙක් ගන්න...
prasanna Sunday, 18 May 2025 05:40 PM
කොහේද මේවා කරන්නේ...?