(ඩයනා උදයංගනී)

බොදුබල සේනා සංවිධානයේ මහලේකම් ගලගොඩඅත්තේ ඥානසාර හිමියන්ට සුදුසු අවස්ථාවේදී ජනපති සමාව හිමිවනු ඇතැයි ශ්‍රී ලංකා නිදහස් පක්‍ෂ තරුණ පෙරමුණේ සභාපති, එක්සත් ජනතා නිදහස් සන්ධාන පාර්ලිමේන්තු මන්ත‍්‍රී ශාන්ත බණ්ඩාර මහතා පැවසීය.

උන්වහන්සේට ජනාධිපති සමාව ලබාදීම සම්බන්ධයෙන් ශ්‍රී ලංකා නිදහස් පක්‍ෂය එකඟ බව කී මන්ත‍්‍රීවරයා ජනාධිපතිවරයාගේ අවධානය ද ඒ කෙරෙහි යොමු වී ඇතැයි සඳහන් කළේය.

ශාන්ත බණ්ඩාර මහතා මේ බව පැවසුවේ කොළඹ, ඩාර්ලි පාරේ පිහිටි ශ්‍රී ලංකා නිදහස් පක්‍ෂ මූලස්ථානයේදී අද (24) පැවති මාධ්‍ය හමුවකදී ගලගොඩඅත්තේ ඥානසාර හිමියන්ට පෙබරවාරි 4 වැනිදා ජනාධිපති සමාව හිමිවේවිද?’ යනුවෙන් මාධ්‍යවේදියෙකු නැගූ පැනයකට පිළිතුරු දෙමිනි.

ඥානසාර හිමියන්ට නිදහස ලබාදෙන ලෙස ශ්‍රීලංකා නිදහස් පක්ෂ තරුණ පෙරමුණ ලෙස ඉල්ලා සිටින බව කී මන්ත‍්‍රීවරයා පෙබරවාරි 4 වැනිදාම එය වේවිද යන්න කිව නොහැකි බව ද කීවේය.