(හර්ෂණ තුෂාර සිල්වා)
එක්සත් ජාතික පෙරමුණේ ජනාධිපති අපේක්ෂකයා නිවේදනය කිරීමේ කිසිදු අර්බුදයක් හෝ ප්රමාදයක් හෝ නැතැයි මුදල් අමාත්ය මංගල සමරවීර මහතා අද (25) පස්වරුවේ පැවැසීය.
ජනාධිපති අපේක්ෂකයා ගැන ප්රජාතන්ත්රවාදී ලෙස සංවාදයක් ඇති කර ඇත්තේ එක්සත් ජාතික පක්ෂය පමණක් බවත් එය ප්රජාතන්ත්රවාදයේ ලක්ෂණයක් බවත් මුදල් අමාත්ය මංගල සමරවීර මහතා කීවේය.
කොළඹ මුදල් අමාත්යාංශ ශ්රවණාගාරයේ පැවැති මාධ්ය හමුවකදී අදහස් දක්වමින් මුදල් අමාත්ය මංගල සමරවීර මහතා එම කරුණු සඳහන් කළේය.
එහිදි වැඩිදුරටත් අදහස් දැක්වූ මංගල සමරවීර මහතා මෙසේ ද පැවැසීය.
“මුදල් අමාත්යවරයා ලෙස මුදල් අමාත්යාංශයේදී දේශපාලනය කතා කරන්න මම කැමැති නැහැ. එය සුදුසු නැහැ වගේම මෙතැන දේශපාලනය කතා කරන එක වැරැදියි. හැබැයි මේ ටික කියන්න ඕනේ.
තව පැය 24ක් තියෙනවා. අපි මාස දෙකක් විතර දැඟලුවනේ. තව පැය 24ක් ඉවසන්න. ඉක්මනට තෝරලා එවයි.
ජනාධිපති අපේක්ෂකයා තේරීමේ කිසිම අර්බුදයක් නැහැ. ප්රජාතන්ත්රවාදී ලෙස ජනාධිපති අපේක්ෂයා තේරීම පිළිබඳ සාකච්ඡාවක් ඇති කරලා තියෙන්නේ අපේ පක්ෂය විතරයි. ජනතාව මෙය තේරුම් ගන්න ඕනේ.
උදාහරණයක් විදියට ඇමෙරිකාව ගන්න. අද ඇමෙරිකාවේ ඩිමොක්රටික් පක්ෂය තුළ ජනාධිපති අපේක්ෂකයා තෝරාගැනීමට එමපක්ෂයේ දහ දොළොස් දෙනෙක් පොරකනවා. සති දෙක තුනකට සැරයක් රූපවාහිනි සංවාදවලට වැඩසටහන්වලට ඇවිල්ලා චෝදනා කරනවා, විවාද කරනවා, විවේචන කරනවා. එය තමයි ප්රජාතන්ත්රවාදය.
එංගලන්තයේ තෙරේසා මේ අගමැතිය අස්වුණාම කන්සවටිව් පක්ෂයේ හය හත් දෙනෙක් පක්ෂ නායකත්වයට සහ අගමැති ධුරයට සටන් කළා. අන්තිමට එක්කෙනෙක් ඊට පත්වුණා.
ඒ වගේම නායකයා පත් කිරීමේ කිසිදු ප්රමාදයක් නැහැ. අපි ප්රජාත්රන්තවාදී සටනක් කරලා ප්රජාතන්ත්රවාදී ලෙස අපේක්ෂකයා තෝරාගෙන ඉවරයි. වේලාසනින් පැනලා දීපු අය අද අමාරුවේ වැටිලා. අපිට කිසිදු ප්රමාදයක් නැහැ. අපේ ටයිමින් නියමයි.අපි හැමදේම කරන්නේ වෙලාවට.ඒ වගේම තවත් කියන්න දෙයක් තියෙනවා. අපි රණවිරුවන්ට ජීවිතාන්තය දක්වා විශ්රාම වැටුප් ගෙවන්න තීරණය කරලා තියෙනවා. එහෙම කරපු ලෝකයේ තවත් රටක් තියෙනවද කියන්න. අපි මෙච්චර ප්රශ්න සහ වියදම් තිබියදී රණවිරුවෝ ඔවුන් කරපු සේවය සලකා බලා විශ්රාම වැටුප ජීවිතාන්තය දක්වා ගෙවීමට තීරණය කරලා තියෙනවා. අපි රණවිරුවන්ට අපිට කරන්න පුළුවන් උපරිම සාධාරණය කර තිබෙනවා.
මේ රණවිරුවෝ මීට මාස කිහිපයකට කලින් මා හමුවුණා. අපි මේ කැබිනට් පත්රිකාව දැම්මේ මීට සති කිහිපයකට කලින්. ඒක දැනගත්තුගමන් පිරිසක් මේ රණවිරුවන්ව පාරට දැම්මා. අපි මේ ප්රශ්නේ විසඳනවා කියන ආරංචිය දැනගත්තු ගමන් කට්ටියක් මේ අහිංසක ආබාධිත රණවිරුවන් පාරට දැම්මා.
මෙතැන තියෙන්නේ දේශපාලනය. දේශපාලන කුමන්ත්රණවල කොටස්කරුවන් වෙන්න එපා කියලා මම රණවිරුවන්ගෙන් ඉල්ලා සිටිනවා. ඒ වගේම අපි රාජ්ය සේවකයන්ට වැඩි කරන්න පුළුවන් හැම සතයක්ම වැඩි කරලා තියෙන්නේ. මේ අවුරුද්දේ කරන්න පුළුවන් හැමදේම කරලා තියෙන්නේ.
1948න් පස්සේ රාජ්ය සේවකයන්ගේ වැටප සියයට 107කින් වැඩි කරපු ආණ්ඩුවක් තියෙනවා නං මට කියන්න. ඒ නිසා අපි පුළුවන් හැම සතයක්ම වැඩි කරලා තියෙන්නේ”.
(ඡායාරූප - ඉෂාන් සංජීව)
අධ්යයන පොදු සහතික පත්ර උසස් පෙළ 2023 විභාගයේ ප්රතිඵල නිකුත් කිරීමට මේ මස අවසන් සතියේ පමණ හැකිවනු ඇතැයි විභාග දෙපාර්තමේන්තු ආරංචි මාර්ග සඳහන් කරයි.
“මේ රට විනාශ කරපු මේ රට හිඟන තත්වයට ඇද දැමු දූෂිත පාලකයන් යටතේ පවත්වන අවසන් මැයි දින රැලිය මෙයයි. දූෂිතයන් යටතේ තවත් එක මැයි දිනයක්වත් මේ රටේ පැවැත්වෙන්
එළඹෙන ජනාධිපතිවරයෙන් ජය ලබන්නේ ශ්රී ලංකා පොදුජන පෙරමුණේ ආශිර්වාදය තියෙන අපේක්ෂාකයා. ජය ලබන ජනාධිපති අපේක්ෂකයා සිටින ශ්රී ලංකා පොදුජන පෙරමුණ සමඟ
ජනතාව සිටින්නේ ශ්රී ලංකා නිදහස් පක්ෂය සමග බව අද පැවති මැයි දින රැළියේදී සහතිකයක් ලැබුණා. ඉදිරි මැතිවරණය ජයග්රහණය කිරීම සඳහා පුළුල් සංවිධානයක් ඇති
අහංගම ගොයියපාන මුහුදු තිරයේ දියේ ගිලෙමින් සිටි යුක්රේන් ජාතික විදේශිය කාන්තාවක් බේරාගැනිම සදහා අද (01) මුහුදට පනිනු ලැබු පුද්ගලයකු දියවැලකට හසුවිමෙ
අසීරුවෙන් ආරක්ෂා කරගත් රටේ ආර්ථිකය තවදුරටත් ගොඩනැගීම සඳහා ජනතාව ගැන සිතා ආණ්ඩුව සමඟ ගිවිසුමකට එන්නැයි සජබ ,ජනතා විමුක්ති පෙරමුණ ඇතුළු සියලු පක්ෂවලට
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
‘‘ජනපති අපේක්ෂකයා තේරීමේ කිසිම අර්බුදයක් නෑ‘‘