(විමුක්ති එස් රුද්‍රිගු)

සංවර්ධනය වෙමින් පවතින රටවල් මුහුණ දී සිටින ණය අර්බුදය බරපතල තත්ත්වයක් බවට පත්වෙමින් තිබෙන බවත් ශ්‍රී ලංකාවද දරුණු ණය අර්බුදයකට මුහුණ දී සිටින බවත් ජී20 රටවල නායකයෝ පෙන්වා දෙති.

ශ්‍රී ලංකාව ජාත්‍යන්තර මූල්‍ය අරමුදලෙන් ණය මුදලක් ලබා ගැනීම සඳහා ඉකුත් සැප්තැම්බරයේ කාර්ය මණ්ඩල එකඟතාවයකට පැමිණියත් එම ණය ලබා ගැනීම සඳහා ජපානය, ඉන්දියාව සහ චීනය ඇතුළු ණය හිමියන්ගෙන් මූල්‍ය සහතිකයක් ලබා ගැනීමට සිදුව ඇතැයි සමුළුවට සහභාගිවී සිටින රාජ්‍ය නායකයින් පෙන්වා දී තිබේ.

ජී20 සමුළුවට සහභාගිවී සිටින සාමාජික රටවල නායකයන් සංවර්ධනය වෙමින් පවතින රටවල් මුහුණ දී ඇති ණය අර්බුදයේ බරපතලකම පිළිබඳ ඊයේ (15) අවධානය යොමු කර තිබුණි.එහිදී සංවර්ධනය වෙමින් පවතින රටවලට ණය අර්බුදය විසඳා ගැනීම සඳහා පුද්ගලික සහ නිල ණය හිමියන් සහාය ලබා දිය යුතු බව රාජ්‍ය නායකයන්ගේ මතය වී ඇත. ජී20 සමුළුවේ ප්‍රකාශය පිළිබඳ කෙටුම්පත ඊයේ(15) ඉදිරිපත් කෙරින.

මෙවර ජී20 සමුළුව ඉන්දුනීසියාවේ බාලි නුවරදී පැවැත්වේ.