(අංජුල මහික වීරරත්න)

ඡන්ද දායකයා ඡන්ද පොළට යැවිය යුත්තේ හිතේ වෛරය ඉවත් කිරීමෙන් පසුව බව එක්සත් ජාතික පක්ෂ සභාපති වජිර  අබෙිවර්ධන මහතා පැවසීය.

 වෛරය ක්‍රෝධය ඊර්ෂ්‍යාව නැති ඡන්ද දායකයෙක් ඡන්දපොළට ගිය දිනක හොඳ රටක් නිර්මාණය කරන්නට හැකියාව ලැබෙනු ඇතැයි ද අබෙිවර්ධන මහතා කීය.

රනිල්ට ඊර්ෂ්‍යා කිරීම නවතා ඔහුගේ දැනුමෙන් වැඩ ගන්නැයි ද එජාප සභාපතිවරයා ඉල්ලා සිටියේය.

ගාල්ලේ දී මාධ්‍යට විශේෂ ප්‍රකාශයක් කරමින් වජිර අබේවර්ධන මහතා මේ බව කීය.

ලාංකිකයන් 1948  නිදහස ලබාගත් දා සිට අද වනතුරු අවුරුදු 75 ක් පුරා වරද්දාගත් ජාතියක් බව කී අබෙිවර්ධන මහතා ඒ වැරැද්දේ උපරිමයට  ගිය අවුරුද්දෙදී ළඟා වූ බව පැවසීය.

ඒ  වැරැද්ද දැන් නිවැරදි කරගත යුතු බව ජනාධිපති රනිල් වික්‍රමසිංහ මහතා දිගින් දිගටම ප්‍රකාශ කරන බවද කීය.