(ඇන් ජේ පතිරාජ)

ගල්ගමුව - ආණමඩුව ප්‍රධාන මාර්ගයේ ඉහළගම හන්දියේ දී  සිදුව ඇති රිය අනතුරකින් යුද හමුදාවේ මේජර්වරයකු ඇතුළු තිදෙනකු මරණයට පත්ව තවත් දෙදෙනකු තුවාල ලබා රෝහල් ගත කොට ඇතැයි ගල්ගමුව පොලිසිය කියයි .

පිරිස ගමන් කළ මෝටර් රථය මාර්ගයෙන් ඉවතට පැන තාප්පයක් කඩාගෙන ගෙවත්තකට වැදි එහි පොල් ගසක ගැටි මේ අනතුර සිදුව ඇතැයි පරීක්ෂණවලදි අනාවරණය වු බව පොලිසිය කියයි .

අනතුරෙන් මියගොස් ඇත්තේ ශ්‍රී ලංකා යුද හමුදාවේ අට වැනි ගජබා රෙජිමේන්තුවේ අනුරාධපුරය , සාලියපුර කඳවුරේ සේවය කළ මේජර් ඊ.එම්. දිනේෂ් විජිත කුමාර ඉලංගරත්න (අවුරුදු 35) , ඊ. එම් චතුර සුභාෂණ ප්‍රේමලාල් (අවුරුදු 30) , හා ඊ. එම් . රුවන් තරංග ගුණසේකර (අවුරුදු 36) යන අයවලුන් බවට හඳුනා ගෙන ඇති බව පොලිසිය පවසයි .

මියගිය තිදෙනාම ගල්ගමුව , නොච්චිය , වන්නිකුඩාවැව පදිංචිකරුවෝ ය.

 තුවාල කරුවන් දැනට ගල්ගමුව මූලික රෝහලේ ප්‍රතිකාර ලබමින් සිටින බව ද පොලිසිය කියයි .

අනතුරෙන් මියගිය මේජර් ඊ.එම්. දිනේෂ් විජිත කුමාර ඉලංගරත්න

අනතුරෙන් මියගිය  ඊ. එම් චතුර සුභාෂණ ප්‍රේමලාල්

අනතුරෙන් මියගිය ඊ. එම් . රුවන් තරංග ගුණසේකර