සුමිත් පොතුපිටිය

පානදුර පින්වත්ත ප්‍රදේශයේ සංචාරක හෝටලයක දී මීට මාස හතකට පෙර මරා වැසිකිළි වළක දමා තිබූ තුෂාරි දිල්හානී නමැති දෙදරු මවගේ ඝාතනයේ ප්‍රධාන සැකකරු කිරීඉබ්බන් ආර ප්‍රදේශයේ දී අත්අඩංගුවට ගත්බව පානදුර කොට්ඨාස අපරාධ විමර්ශන ඒකකය පවසයි .

සැකකරු එවකට හෝටලයේ කළමනාකරු ලෙසින් සේවය කර ඇති අය බව ද පොලිසිය කීය.

තුෂාරී දිල්හානී නැමැත්තියගේ මළසිරුර සොයාගැනිමට පෙරදින රාත්‍රී හෝටල් පරිඝණක‍යේ දත්ත මකාදමා පුද්ගලික ලියකියවිලිද රැගෙන  පානදුර සිට මාතර ඔස්සේ ඇඹිලිපිටිය බලා ගමන්කර ඇති බවත් ඒ අතරතුර සිය සිම් කාඩ්පත කඩා විසිකර තිබූ බවට පරීක්ෂණවලදී හෙලිව ඇති බවත් උසස් පොලිස් නිලධාරීයෙක් කීය.

ඇඹිලිපිටිය ප්‍රදේශයට පලාගොස් ඇති සැකකරු පොලිසියෙන් මිදීම සදහා වරින්වර පදිංචිය වෙනස් කරමින් සිට ඇති බවද සදහන් වේ.

ඝාතනයට ලක් වූ කාන්තාව මෙම ඝාතනයට දින කීපයකට පෙර හදුනාගෙන ඇති බවත් කඩවත රාත්‍රි සමාජ ශාලවක සිට පානදුර හෝටලයකට කැටුවවිත් එහි කාමරයේ රදවා තවත් පුද්ගලයන් තිදෙනකු සමග වරින්වර ඇය සමග එකට සිට ඇති බවත් හෙලිව ඇතැයිද පොලිසිය කීය.

කාන්තාවගේ සිරුර වැසිකිළිවලට දමා එය වසාදමා ඇයගේ ගමන් බෑගය මුහුදු වෙරළට ගොස් පුළුස්සා දැමු බවට හෙලිව ඇතැයිද පොලිසිය සදහන් කරයි.