(බිඟුන් මේනක ගමගේ)
ඇතැම් ලියාපදිංචි දේශපාලන පක්ෂ වසර ගණනකින් සිය වාර්ෂික ගිණුම් ප්රකාශ මැතිවරණ කොමිසමට බාර දී නැතැයි එහි අභ්යන්තර ආරංචි මාර්ග සඳහන් කරයි.
ලියාපදිංචි වුවද ක්රියාකාරී නොවන දේශපාලන පක්ෂවලින් මෙම ප්රවනතාව මතුව ඇති බවත් මැතිවරණ කොමිසම දේශපාලන නිදහස සම්බන්ධයෙන් අනුගමනය කරන නම්යශීලි ප්රතිපත්තිය ඔවුන් වැරදියට පාවිච්චි කිරීම මීට හේතුව වී ඇති බවත් කොමිසම හා දේශපාලන පක්ෂ අතර සාකච්ඡාවකදී කතාබහට ලක්ව තිබේ.
ඒ අනුව ඉදිරියේදී එවැනි පක්ෂ සම්බන්ධයෙන් දැඩි තීන්දු ගැනීම ගැන මැතිවරණ කොමිසමේ නිලධාරින් සාකච්ඡා කර තිබේ.
දේශපාලන පක්ෂවල වාර්ෂික ගිණුම් වාර්තා මැතිවරණ කොමිසම් වෙබ් අඩවියේ ප්රසිද්ධ කිරිමට මැතිවරණ කොමිසම මීට පෙර තීරණය කළ අතර තොරතුරු දැනගැනිමේ පනත යටතේ ඊට අදාළ පුරවැසි ඉල්ලිම් දිනෙන් දින ඉහළ යන බැවින් එම තීරණය ගත් බව මැතිවරණ කොමිසමේ සභාපති මහින්ද දේශප්රිය මහතා පැවැසීය.
මේ වනවිට මැතිවරණ මහලේකම් කාර්යාලයේ ලියාපදිංචි දේශපාලන පක්ෂ 70 ක් ඇත.
COMMENTS
Reply To:
Sisira - cb chds hcdsh cdshcsdchdhd
මැතිවරණ කොමිසමේ සභාපති සහ සාමාජිකයන් වත්කම් ලේඛන ඉදිරිපත් කරාද? එහෙම කරන්න ඕනේ නැති වෙන්න මුක්තිය තියෙනවද?
බලය ලැබීම සඳහා ප්රචණ්ඩත්වය නීති විරෝධී නම් බලය ලැබීම සඳහා අනිසි මුදල් යෙදවීමද නීති විරෝධී විය යුතුයි. ශ්රී ලංකාවේ වැඩිම මුදලක් මැතිවරණයකට වැය කරන දේශපාලන පක්ෂය ජයග්රාහකයාය. පසුගිය මැතිවරණය සාධාරණ මැතිවරණයක් බවට බොහෝ දෙනා පුරසාරම් දෙඩුවත් මුදල සහ ජාතිවාදය මත ලබන ජයක් සාධාරණ වෙන්නේ කෙසේද යන්න තේරැම් ගත නොහැකියි. ශ්රී ලාංකිකයන්ගේ මැතිවරණයක් වශයෙන් ලබන ලද ප්රතිඵලයක් නොව ජාතීන් දෙකක් අතර වෛරය සහ සැකය දැකීමට ඇති ප්රතිඵලයකි. තවත් පැත්තකින් කෝටි ගණන් තමන්ගේ පුද්ගලීක ධනය රට වෙනුවෙන් ජනතා සේවය සඳහා වියදම් කිරීමට තරම් පින්වන්තයන්ද මේ වියදම් කර ඇත්තේ යන්න ජනතාව තේරුම් ගත යුතුව ඇත. ඇත්තටම මේක මහා ජාවාරමකි. මේ තත්ත්වය තුරන් කිරීම පහසු වන්නේ නැත. අඩුම තරමින් මේ තත්ත්වය මේ මොහොතේ හෝ හදුනාගත් නිලධාරීන් ගැන සතුටු විය යුතුයි.