(ශාන්ත ප්‍රදීප් කුමාර කුලරත්න)

ගොඩගම වටරැක ප්‍රදේශයේදී මෝටර් රථයක් යතුරුපැදියක ගැටීමෙන් දෙදෙනකු ජීවිතක්ෂයට පත්ව ඇතැයි මීගොඩ පොලිසිය පවසයි .

අනතුරින් රත්නපුර මුවගම පේමානන්ද මාවතේ පදිංචි (18) හැවිරිදි පාසල් සිසුවකු ද සිටින බවත්  අනිත් පුද්ගලයාගේ අනන්‍යතාවය මෙතෙක් අනාවරණය වී නොමැති බව පොලීසිය කියයි .

මෙම පුද්ගලයන් දෙදෙනා වටරැක ගුණවර්ධන මාවත හරහා  යතුරු පැදියක යමින් සිටියදී ඉදිරියෙන් පැමිණි මෝටර් රථයේ මුහුණට මුහුණ ගැටී අනතුර සිදුව තිබුණි .

අනතුරින් තුවාල ලැබූ පැදිකරුවන් දෙදෙනා හෝමාගම මූලික රෝහලට ඇතුළත් කර ඇති අතර මෝටර් රථය රියැදුරු ද සුළු තුවාල ලබා හෝමාගම රෝහලට ඇතුළත්ව ඇති බව පොලීසිය කියයි .

මියගිය දෙදෙනාගේ මෘතදේහයන් දෙක මේ විට හෝමාගම මූලික රෝහලේ මෘත ශරීරාගාරයේ තැන්පත් කර තිබේ