(ජේ.කේ.එල්. චාමින්ද)

ලංකා ඛනිජතෙල් නිතිගත සංස්ථාව විසින් අධ්‍යක්ෂක මණ්ඩල තිරණයන්ට පටහැනිව  බෙදුම්කරුවන් සදහා මුලු අලෙවි නියෝජිත කොමිස් මුදල් ලෙස  රුපියල් මිලියන 31,021 ක වැඩිපුර මුදලක් ඉකුත් වර්ෂයේ  අප්‍රේල් මස 30 වැනිදින වනවිට   ගෙවා ඇති බැව් ජාතික විගණන කාර්යාලය  මගින් නිකුත්කොට ඇති විගණන වාර්තාවක සදහන් වේ.

ඛනිජතෙල්වල දේශිය වෙළදපොළ මිල ගණන්වල   උච්චාවචනයන්ගේ  බලපෑම් මත බෙදුම්කරුවන්ට  හා සංස්ථාවට සිදුවන අහිතකර බලපෑම් බැහැර කිරිම සදහා  ඉහළ හා පහළ  සිමාවන්ට යටත්ව ගෙවනු ලබන කොමිස් මුදල්  තිරණය කර තිබුණි.

ඒ 2019 වර්ෂයේ  ජුලි 30 දිනැති අංක 05/1231 අධ්‍යක්ෂක මණ්ඩල තිරණයට අනුවය. එහෙත් මෙකි අධ්‍යක්ෂක මණ්ඩල  තීරණයට පටහැනිව  ඉහළ සිමාවන් නොසලකා  බෙදුම්කරුවන්ට අලෙවි නියෝජිත කොමිස් මුදල් ගෙවා තිබුණි. 2023 වර්ෂයේ දි වැඩිපුර ගෙවා තිබු  කොමිස් මුදල රුපියල් මිලියන 14,874කි. මෙම කොමිස් මුදල  විකුණුම් හා බෙහැරිමේ වියදම් යටතේ  දක්වා තිබුණි.

ලංකා ඛනිජතෙල් නිතිගත සංස්ථාව සම්බන්දයෙන් 2023 වර්ෂයට අදාළව නිකුත්කොට ඇති විගණන වාර්තාවේ මෙම තොරතුරු ඇතුළත්ව  ඇත.