(නිමන්ති රණසිංහ සහ සුජිත් හේවාජුලිගේ)

කොළඹ රිජ්වේ ආර්යා ළමා රෝහලේ ඖෂධ 40 ක පමණ හිඟයක්  පවතින බව එහි අධ්‍යක්ෂ වෛද්‍ය ජේ විජේසූරිය  මහතා පැවසීය.

මේ තත්වය නිසා විදේශීය දානපතීන්ගෙන්ද  ඖෂධ ලබාගැනීමට කටයුතු කරගෙන යන බව පැවසූ අධ්‍යක්ෂවරයා ඖෂධ ප්‍රශ්නය කෙසේ හෝ  කළමනාකරණය කර ගනිමින් රෝහලේ කටයුතු සාමාන්‍ය පරිදි කරගෙන යන බවද සඳහන් කළේය.

ඖෂධ ගණනාවක්ම  විදේශීය දානපතීන්ගෙන් පසුගිය දිනවල ලබා ගැනීමට හැකිවූ බව  විජේසූරිය  මහතා  වැඩිදුරටත් පැවසුවේය.

මේ අතර දිවයින පුරා  රෝහල්වල ත්‍රිපෝෂවලද බරපතළ හිඟයක් පවතින බව රෝහල් ආරංචි මාර්ග සඳහන් කරයි.

තවද විජලනයෙන් වැළකීම සඳහා ලබා දෙන ජීවනිවලද හිඟයක් පවතින බව වෛද්‍යවරු පවසති.

සෞඛ්‍ය බලධාරීන් පවසන අන්දමට රටේ ඖෂධ හිඟයට ප්‍රධාන වශයෙන් බලපා ඇත්තේ විදේශ විනිමය හිඟයයි.