(යොහාන් භාසුර)

කුරුණෑගල දිස්ත්‍රික් පාර්ලිමේන්තු මන්ත්‍රී නලීන් බණ්ඩාර මහතා තමන් සොයා කොළඹ ක්‍රිකට් සමාජයට (සී.සී.සී.) පැමිණීමේ සිද්ධිය පිළිබඳව අද (21) පස්වරුවේ කුරුඳුවත්ත පොලිසියට පැමිණිල්ලක් කළ බව ශ්‍රී ලංකා ක්‍රිකට් ආයතනයේ සභාපති ශම්මි සිල්වා මහතා පැවසීය.

නලීන් බණ්ඩාර මහතා ඊයේ (20) පස්වරුවේ පුද්ගලයන් කීපදෙනකු සමඟ සී.සී.සී. වෙත පැමිණ තමන් සොයා ඇති බව කී ශම්මි සිල්වා මහතා එම අවස්ථාවේදී තමන් ක්‍රීඩා සමාජයේ නොසිටි බව ද සඳහන් කළේය.

පාර්ලිමේන්තු මන්ත්‍රී නලීන් බණ්ඩාර මහතා ආසියානු කුසලාන තරගාවලිය සම්බන්ධයෙන් කළ ප්‍රකාශයක් පිළිබඳව මාධ්‍යවේදියකු නැඟූ ප්‍රශ්නයකට ශම්මි සිල්වා මහතා, ශ්‍රී ලංකා ක්‍රිකට් ආයතනයේදී පැවැති මාධ්‍ය හමුවකදී ප්‍රතිචාර දැක්වීම මෙම සොයා ඒමට හේතුව වීමට ඉඩ තිබේ.