(දයාරත්න ඇඹෝගම)

කායන්ගොල්ලෑව රජයේ රක්ෂිතයේ ගල්තලාවක නිදන් ලබාගැනිමේ අරමුණින් කැණිම් කරමින් සිටි පුද්ගලයන් පස් දෙනෙකු පුපුරණ ද්‍රව්‍ය ඇතුළු තවත් භාණ්ඩ කිහිපයක් සමග ඊයේ (11)දින අත්අඩංගුවට ගත්බව හොරොව්පොතාන පොලසිය කියයි.

මෙසේ අත්අඩංගුවට ගෙන ඇත්තේ සුරියවැව,හොරොව්පොතාන,ඇබිලිපිටිය,තනමල්විල හා මාවතගම පදිංචි වයස අවුරුදු 28ත් 58ත් අතර වියේ පසුවන පුද්ගලයන් පස්දෙනෙකි.

මෙම පුද්ගලයන් හොරොව්පොතාන,කායන්ගොල්ලෑව රජයේ රක්ෂිතයේ ගල්තලාවක නිදන් හාරමින් සිටින බවට පොලිසියට ලද තොරතුරක් මත සිදුකළ වැටලිමේදි සැකකරුවන් අත්අඩංගුවට ගෙන තිබුණි.

පොලිසිය එම ස්ථානය වටලන අවස්ථාවේදි සැකකරුවන් නිදන් ලබාගැනිම සදහා ගල්තලාව අඩි 08 ක් පමණ ගැඹුරට හාරා තිබු බව පොලිසිය කියයි.

සැකකරැවන් ගල්තලාව පුපුරැවා හැරිමට ගෙන ආ ජෙලිග්නයිට් කුරූ හයක්,ඇමෝනියා කිලෝ එකක්, විදුලි ජෙනරේටරයක්,ග්‍රයින්ඩරයක් ඇතුළු ආම්පාන්න කිහිපයක් හා ඔවුන් පැමිණි වැන් රථයද පොලිසිය මෙහිදි සිය බාරයට ගෙන තිබේ.

සැකකරැවන් ඊයේ (11)දින කැබිතිගොල්ලෑව මහේස්ත්‍රාත් අධිකරණයට ඉදිරිපත් කිරිමෙන් අනතුරැව මේ මස 19 දින දක්වා රක්ෂිත බන්ධනාගාර ගතකළ බවද පොලිසිය පැවසිය.

සිද්ධිය සම්බන්ධයෙන් හොරොව්පොතාන පොලිසියේ ස්ථානාධිපති ප්‍රධාන පොලිස් පරික්ෂක ඩබ්.එම්.එන්.අයි.දයානන්ද මහතා ඇතුළු පොලිස් නිලධාරිහු පිරිසක් වැඩිදුර පරික්ෂණ පවත්වති.