(අංජුල මහික වීරරත්න)
 
කුමන දේශගුණික තත්ත්වයක් යටතේ වුවද විදුලිබල කප්පාදුවක් නොකරන බව විදුලිබල හා බලශක්ති අමාත්‍ය රවී කරුණානායක මහතා පැවසීය.
 
පවතින කාලගුණික තත්ත්වය යටතේ දිනකට විදුලි බල්බ දෙකක් නිවා දැමීම තුළින් මෙගාවොට් 100ක ධාරිතාවක් ඉතිරි කරගැනීමට හැකි බව පෙන්වා දුන් අමාත්‍යවරයා අරපරිස්සමින් විදුලිය පාවිච්චි කිරීම සියලු අර්බුදවලට විසඳුම බවද කියාසිටියේය.
 
අධික විදුලි ඉල්ලුම සහ බලාගාර ආශ්‍රිත ප්‍රදේශවලට වැස්ස අඩුවීම විදුලිබල හිඟයට ප්‍රධාන හේතුව වී ඇතැයිද එසේ වුවත් කිසිදු ආකාරයකට විදුලිය කප්පාදු කිරීමට අදහසක් නැතැයිද අමාත්‍යවරයා සඳහන් කළේය.
 
පුරා වසර 10ක් මුළුල්ලේ විදුලි අවශ්‍යතාවට සරිලන විදුලි ජනන පද්ධති නිර්මාණය නොකිරීම වත්මන් තත්ත්වයට හේතුවක් බවද අමාත්‍ය රවී කරුණානායක මහතා වැඩිදුරටත් පැවසීය.