(බිමල් ශ්යාමන් ජයසිංහ සහ ඉන්දිකා රාමනායක)
පොලිස් නිලධාරීන් තිදෙනෙකුට පහරදී කඳුළු ගැස් වායු උණ්ඩ 50ක් පැහැර ගත් පුද්ගලයකු වැලිකඩ ඔබේසේකරපුර,නානයක්කාර මාවතේ දී වැලිකඩ පොලීසිය මගින් අත්අඩංගුවට ගෙන ඇතැයි පොලිස් මාධ්ය ප්රකාශක ජේෂ්ඨ පොලිස් අධිකාරි නීතිඥ නිහාල් තල්දූව මහතා පැවසීය
පැහැර ගෙන තිබූ එම වායු උණ්ඩ තොගය බොරැල්ල ගෝතමී පාර සැකකරු තාවකාලිකව පදිංචිව සිටී නිවසේ සඟවා තිබී සොයාගෙන ඇත.
ඉකුත් 13 වෙනි දින රාත්රී වැලිකඩ පොලිස් වසමේ පොල්දූව මංසන්ධියේ පැවැති විරෝධතාවය පාලනය කිරීමට පොලිසිය සහ යුද්ධ හමුදාව එකතුව කටයුතු කළ අවස්ථාවේදී එම ස්ථානයට ත්රිරෝද රථයකින් කඳුළු වායු උණ්ඩ රැගෙන යමින් සිටි පොලිස් නිලධාරීන් තිදෙනකුට පහර දී ඔවුන් භාරයේ තිබූ මෙම කඳුළු වායු උන්ඩ පැහැර ගෙන තිබූ බව මාධ්ය ප්රකාශකවරයා වැඩිදුරටත් පැවසීය.
පෙදරේරු රැකියාවේ නියුතු අත්අඩංගුවට ගත් සැකකරු පොලොන්නරුව කාශ්යප පුර පදිංචි වයස අවුරුදු 31 ක පුද්ගලයෙකි.
සැකකරු අධිකරණය වෙත ඉදිරිපත් කිරීමට නියමිතය වැලිකඩ පොලීසිය පරීක්ෂණ පවත්වයි.
COMMENTS
Reply To:
Sisira - cb chds hcdsh cdshcsdchdhd
කල් ඉකුත්වී ඇති මේ කඳුළු ගෑස් මහජනතාවට එරෙහිව භාවිතා කරලා ජනතාවට ශාරීරික හානි පමුණුවන පොලිසියට විරුද්ධව නීතිමය ක්රියාමාර්ග ගන්න කවුරුවත් නැද්ද?
රටේ ඇති වුනු වෙනත් සිද්දින් ගැන ප්රස්න කර යුතුයි.
ආයුධ අතැති පොලිස් නිලදාරීන් තුන් දෙනෙකුට තනියම පහර දීල කදුළු ගෑස් තොගය පැහැර ගත්තා නම් මිනිහා බෘස් ලී ටත් වඩා වැඩ කාරයෙක් වෙන්න ඕන. නැත්නම් මේක හැරී පොටර් ටත් වඩා රසබර නවකතාවක් වෙන්න ඕනේ. නැත්නම් මේ පෙදරේරුවා පොලිස්සියේ ලොකු මහත්තයෙක්ගේ වැඩක් නිකන් කරලා දෙන්න බැහැ කියලා තියෙනවද දන්නෙත් නැහැ.