(සුජිත් හේවාජුලිගේ සහ  අංජුල මහික වීරරත්න)

"ඇමැතිතුමා" යනුවෙන් ආමන්ත්‍රණය නොකර "මන්ත්‍රිතුමා" යනුවෙන් ඇමැතීම  සම්බන්ධයෙන් චාමර සම්පත්  මන්ත්‍රීවරයාගෙන් කතානායකවරයවරයා සමාව ඉල්ලීම ගැන තමා කනගාටුවන බව කුරුණෑගල දිස්ත්‍රික් මන්ත්‍රී දයාසිරි ජයසේකර මහතා  පාර්ලිමේන්තුවේදී අද (24) පැවසීය.

මේ සභාවේ ඉන්න සියලු දෙනා මන්ත්‍රීවරුන් බවත්  කතානායකතුමා කතා කරද්දී  ඇමැතිද  රාජ්‍ය ඇමැතිද කියා නොසොයන බවත්  ඔහු සඳහන් කළේය.

ජයසේකර මහතා මෙසේ පැවසූවේ මැතිසබයේ කටයුතු ආරම්භයේදී ප්‍රකාශයක් කරමිනි.

දයාසිරි ජයසේකර මහතා මෙසේද සඳහන් කළේය.

ඊයෙ මම මේ සභාවෙ  නැති  වෙලාවේ චාමර සම්පත් ඇමතිතුමා. සාමාන්‍යයෙන් කථානායකතුමා මන්ත්‍රීතුමා කිව්වම ඒක එච්චරයි ඇමතිතුමා ද රාජ්‍ය ඇමති ද කියල හොයන්නේ නැහැ. මම කනගාටු වෙනවා කථානායකතුමා සමාව ගත්ත එක ගැන මෙතන ඔක්කොම මන්ත්‍රීවරුන් රාජ්‍ය ඇමති මහ ඇමති කියල මෙතන කතා කරන්නේ නැහැ. ශ්‍රී ලංකා නිදහස් පක්ෂයේ අභ්‍යන්තර අර්බුද මෙතනට ගෙනල්ලා කතා කරලා වැඩක් නැහැ ඒව කතා කරන්න ඕන එළියට. කෝටි ගණනක් වියදම් කරලා මේ විවාද පවත්වන්නෙ අයවැය විවාද කියන්නේ අයවැය විවාද. මගේ නම මෛත්‍රීපාල මෛත්‍රීපාල ජනාධිපති තුමාගේ අරූ නම ආරෝපණය කරලා කතා කරපු කතා හැන්සාඩ් වාර්තාවෙන් ඉවත් කරන්න කියලා මම ඔබතුමාගෙන් ඉල්ලා සිටිනවා

ඒ ගැන සොයා බලා කටයුතු කරනවා