කුඩම්මාගේ පහරදීමෙන් 17 දැරිය රෝහලේ

(ශ්‍රීනාත් ප්‍රසන්න ජයසූරිය)

රාගම කුරුකුලාව ප්‍රදේශයේ පදිංචි 17 හැවිරිදි දැරියකට ඉතා අමානුෂික ලෙස පහර දී වධ හිංසාවට ලක් කළේ යැයි කියන එම දැරියගේ 39 හැවිරිදි කුඩම්මා රාගම පොලිසිය විසින් සැකපිට අත්අඩංගුවට ගනු ලැබීය.

පාර කෑමවලට ලක් වූ දාහත් හැවිරිදි දැරිය වෛද්‍ය පරීක්ෂණයක් සඳහා උතුරු කොළඹ රාගම ශික්ෂණ රෝහලේ අධිකරණ වෛද්‍යවරයා හමුවට ඉදිරිපත් කිරීමට රෝහල්ගත කරනු ලැබුවාය.

කාන්තා පොලිස් නිලධාරිනියකගේ රැකවරණය යටතේ ඇය රෝහල්ගත කර ඇත.

මෙම 17 හැවිරිදි දැරියගේ මව මිය ගොස් ඇති අතර ඉන් පසු පියා තවත් විවාහයක් කරගෙන ඇතැයි පොලිසිය පවසයි.

එම විවාහයෙන් සැකකාර කාන්තාවට අවුරුදු නවයක් වයසැති ගැහැණුදරුවකු සිටින බවද පොලිසිය සඳහන් කරයි.

දහහත් හැවිරිදි මෙම දැරිය ගේ පියා වසර ගණනාවක සිට කොරියාවේ රැකියාවක නිරතව සිටී රාගම කුරුකුලාව ප්‍රදේශයේ නිවසක සිටින බාල වයස්කාර දැරියක්ව ද හිංසා වලට ලක් වන බවට රාගම පොලීසියට තොරතුරක් ලැබී ඇත.

රාගම පොලිසියේ වැඩබලන පොලිස් ස්ථානාධිපති ප්‍රධාන පොලිස් පරීක්ෂක ප්‍රභාත් අසේල පෙරේරා මහතා ඇතුළු පොලිස් කණ්ඩායමක් එම නිවසට ගොස් පරීක්ෂණ ආරම්භ කර ඇත.

අදහස් (5)

කුඩම්මාගේ පහරදීමෙන් 17 දැරිය රෝහලේ

kamalasiri Friday, 10 March 2023 03:56 PM

රාගම පොලිසියට අපගේ ආචාරය. මේ වගේ අයට උපරිම දඬුවම් දියයුතුයි. බන්ධනාගාරයේ සිටින අයත් මේ ගැන බලාගන්නවා නම් හොඳයි.

: 0 21

බද්රානි Friday, 10 March 2023 09:22 PM

මේ දුෂ්ඨ කාන්තාව, අනාගතයේදී මේ දැරියට හිමිවිය යුතු දේපළ පිළිබඳව තමයි මෙතරම් වෛරයකින් පසුවෙන්නේ. මේ කුරීරු ගැහැණියට නිසි දඬුවම් නොලැබුණොත්, එය මේ දැරියගේ ජීවිතයට දැඩි තර්ජනයක් වේවි. පොලිසිය, නීතිය මෙන්ම අදාළ බලධාරීන්ගේ දැඩි අවධානය මේ පුවතට යොමු වේවා යයි බලාපොරොත්තු වෙමි. කරුණාකර මේ දැරියව එම අනතුරෙන් ගලවාගන්න හැමෝම එක්ව කටයුතු කරන්න.

: 0 0

රන්මිණි Saturday, 11 March 2023 08:29 AM

අම්මා නැති කලට අප්පා කවර කල...

: 0 2

Bunny Preena Saturday, 11 March 2023 09:31 AM

කුණු බිත්තරවලටත් හොඳ ඉල්ලුමක් තියෙයි වගේ...

: 0 0

පැරකුම් Saturday, 11 March 2023 01:58 PM

දඬුවම් කළයුත්තේ කුඩම්මාට වඩා තාත්තාටයි…!

: 0 0