(ඩයනා උදයංගනී)

ඩොලරයට සාපේක්‍ෂක රුපියලේ සිදුවූ වෙනසට අනුපාතිකව ඖෂධ මිල වැඩිකිරීමට සිදුවන නමුත්, ඖෂධ ආනයනකරුවන්ට සහ ඔසුසල් හිමියන්ට අවශ්‍ය අයුරින් ඖෂධ මිල තීරණය කිරීමට අවසර දී නැතැයි ඖෂධ නිෂ්පාදන, සැපයීම හා නියාමන රාජ්‍ය අමාත්‍යාංශය පවසයි.

ශ්‍රී ලංකාව තුළ ඖෂධ මිල පාලනය සිදුකරනුයේ ජාතික ඖෂධ නියාමන අධිකාරියේ මිල පාලන කමිටුව විසින් බව ද එම අමාත්‍යාංශය සඳහන් කරයි.

වෛද්‍ය පාලිත අබේකෝන් මහතාගේ සභාපතීත්වයෙන් යුත් එම කමිටුව විවිධ ක්‍ෂේත්‍ර නියෝජනය කරන විද්වතුන් 13 දෙනකුගෙන් සමන්විත බව ද රාජ්‍ය අමාත්‍යාංශය නිකුත් කළ නිවේදනයක දැක්වේ.