අලුත් ඇමැතිවරුන්ට අලුත් වාහන නෑ

(දමිත් වික්‍රමසේකර)

පසුගිය රජයේ අමාත්‍යවරුන් භාවිත කළ වාහනම මෙම රජයේ කැබිනට් අමාත්‍යවරු සහ නියෝජ්‍ය අමාත්‍යවරු භාවිත කරනු ඇතැයි රජයේ නිලධාරියෙක් ප්‍රකාශ කළේය.

අනෙකුත් රජයේ මන්ත්‍රීවරුන්ටද ඉන්ධන කාර්යක්ෂමතාව සහිත සුඛෝපබෝගී නොවන වාහනයක් ලබා දෙනු ඇතැයි එම නිලධාරියා පැවැසුවේය.

ඒ අනුව නව රජයේ පාර්ලිමේන්තු මන්ත්‍රීවරුන් 159 දෙනාටම කුමක් හෝ වාහනයක් සිය නිල රථය ලෙස ලැබෙනු ඇති බවද ඔහු ප්‍රකාශ කළේය. නව රජයේ අමාත්‍යවරුන්ට නව නිල වාහන නොලැබෙනු ඇති බවත් ඒ ඒ අමාත්‍යාංශවල සිටි පසුගිය රජයේ අමාත්‍යවරුන් බාරදුන් නිල වාහන නව රජයේ කැබිනට් අමාත්‍යවරුන්ට සහ නියෝජ්‍ය අමාත්‍යවරුන්ට ලැබෙනු ඇති බවත් එම රාජ්‍ය නිලධාරියා පැවැසුවේය.

මන්ත්‍රීවරුන්ට ඔවුන් තේරී පත්වූ දිස්ත්‍රික්ක වලට රජයේ කටයුතු සඳහා විශාල දුරක් ගෙවමින් ගමන් කිරීමට තිබෙන බැවින් මෙලෙස මන්ත්‍රීවරුන් 159 දෙනාටම නිල වාහන ලබාදීමට රජය තීරණය කර ඇතැයි ඔහු ප්‍රකාශ කළේය. කෙසේ වෙතත් V8 වර්ගයේ සුඛෝපභෝගී මෝටර් රථ ඔවුන්ට ලබා නොදෙන බවද එම නිලධාරියා පැවැසුවේය.

මෙම වන විට නඩත්තු කිරීමට අපහසු රජයේ වාහන 344 ක් හඳුනාගෙන තිබෙන බවද ඔහු ප්‍රකාශ කළේය. එම වාහන ඇත V8 වැනි සුඛෝපභෝගී මෝටර් රථ මාදිලි තිබෙන බවත් ඒවා නඩත්තු කිරීමට රජයට විශාල වියදමක් දැරීමට සිදුව ඇති බවත් එම නිලධාරියා සඳහන් කළේය. එම වාහන ප්‍රසිද්ධ වෙන්දේසියේ විකිණීමට සැලසුම් කර තිබෙන බවත් ඉන් ලැබෙන මුදල් මන්ත්‍රීවරුන්ට අවශ්‍ය වාහන මිලදී ගැනීමට භාවිත කරනු ඇති බවත් ඔහු පැවැසුවේය.

මන්ත්‍රීවරයකුට නිල වාහනයක් ලබාදීමේදී සළකා බලන ප්‍රධාන කරුණ නම් ඉන්ධන කාර්යක්ෂමතාව බවත් ඉන්ධන කා දමන සුඛෝපභෝගී වාහන කිසිවෙකුට ලබා නොදෙනු ඇති බවත් ඔහු ප්‍රකාශ කළේය. වෙන්දේසියෙන් ලැබෙන මුදල් ප්‍රමාණවත් නොවූහොත් ජනාධිපති කාර්යාලය සතු වාහන කීපයක් නිදහස් කර ගැනීම සඳහා මේ වනවිට සාකච්ඡා පැවැත්වෙන බවද එම නිලධාරියා පැවැසුවේය.

අදහස් (17)

අලුත් ඇමැතිවරුන්ට අලුත් වාහන නෑ

fairoos Sunday, 24 November 2024 10:59 PM

රටට හොඳක් වෙනවා නම් කමක් නෑ. ඔහොම යමු.

: 2 5

විදුර Sunday, 24 November 2024 11:48 PM

සියලුම ඇමැති, මන්ත්‍රිලා සතියකට වරක්වත් ලංගමේ යා යුතුයි.

: 0 13

sam Monday, 25 November 2024 12:00 AM

පසුගිය රජයේ අමාත්‍යවරුන් භාවිතා කළ වාහන සියල්ල සැපපහසු අලුත් වාහන. ඉතින් මාලිමා / jvp හවුල් ආණ්ඩුව මහජන මුදල් ඉතිරි කිරීමට ඉන්දියාවෙන් හෝ වෙනත් රටකින් අඩුමිලට පහසුව අඩු වාහන මිලදී ගැනීම වෙනුවට පසුගිය රජයේ අමාත්‍යවරුන් භාවිතා කළ සියලු පහසුකම් සහිත වාහන ලබාගැනීමට කටයුතු කිරීමත් දේශපාලන උපක්‍රමයකි. එනම් 1. අඩුමුදලට පහසුව අඩු වාහන මිලදී ගැනීම වෙනුවට පසුගිය රජයේ අමාත්‍යවරුන් භාවිතා කළ සියලු පහසුකම් සහිත වාහන ලබාගැනීමට 2. අලුත් වාහන වෙනුවට පරණ වාහන හෝ පසුගිය රජයේ අමාත්‍යවරුන් භාවිතා කළ වාහන අප (මාලිමා / jvp හවුල් ආණ්ඩුවේ මැති ඇමතිවරුන්) භාවිතා කර රටට විශාල මුදක් ඉතිරි කළබව මතයක් සමාජ ගත කිරීම...

: 4 6

pj Monday, 25 November 2024 03:50 AM

ස්කූටරයක් හෝ ත්‍රීවීලරයක් හොඳටම සෑහේ...

: 7 4

Pushpa kumaraMonday, 25 November 2024 04:10 PM

හොඳයි...!

: 1 0

Shelton Monday, 25 November 2024 05:23 AM

අගය කළ යුතුයි.හොද දේ හොදම තමයි.

: 4 13

pj Monday, 25 November 2024 05:41 AM

වාහන ගැන හැර වෙන ප්‍රශ්නයක් අපේ රටට ඇත්තෙම නැතිද? එහෙම නම් විවෘත ආර්ථිකය සංවෘත කරලා අලුතින් පටන් ගන්න. වාහන ඕනෙ නැහැ. පාස්පෝට් ඕනෙ නැහැ. අල, බතල ටිකක් වවාගෙන කාලා කොත්තමල්ලි ටිකක් බීලා, පැලක් අටවාගෙන ඉන්න පුළුවන්...

: 8 8

swene Monday, 25 November 2024 06:32 AM

ඔය තීරු බදු සහනය රජයේ නිලධාරීන්ට දීමත් නැවතිය යුතුයි. ඒ තුලින් අක්‍රමිකතා රැසක් සිදුවනවා. තීරු බදු සහනය විකුනනවා. එයම අක්‍රමිකතාවයක්. ඒ නිසා තීරු බදු සහනයක් දීම සඳහා යම් කාණ්ඩයක් සුදුසුයි කියල තීරණය කරන්නේ නම්, ඔවුනට ඒ වෙනුවට එම සහනය ආවරණය වන විධියට මුදලින්ම කිරීමයි සුදුසු. එවිට තීරු බදු සහනය තුලින් මුදලාලිලා ට ජාවාරමක් මතුවන්නේත් නැහැ. අක්‍රමිකතාවයක් ද නැහැ.

: 0 34

Nishan Monday, 25 November 2024 07:17 AM

අලුත් කාර් මොකටද ලීටරේට කිලෝමීටර් 4 ක් 5 ක් විතරක් වැඩ කරන පරණ බි.එම්.ඩබ්ලිවු. රථ නම් පාවිච්චි කරනකොට? මේවා තනිකර රැවටිලි කතා.

: 27 45

Ruwan De Silva Monday, 25 November 2024 07:52 AM

අපිත් දන්නවා, අපේ ගෙවල් ගාව ඉන්න හිටපු කැබිනට් ඇමතිට ෆෙරාරී කාර් එකකුත් තියෙනවා. හැබැයි දැනට අවුරුදු 30කට කලින් දේශපාලනයට එන්න කලින් කරේ හොරපොල් කඩන එක, කොච්චියේ මාල කඩන එක, කාලයක් වඩෙත් වික්කා. වාහන පර්මිට් මොකටද?

: 24 32

Willows Drive Monday, 25 November 2024 08:01 AM

ඉතාමත් හොදයි

: 27 29

යෝගා Monday, 25 November 2024 09:00 AM

අලුත් ඇමතිලට එක විදියකටයි මන්ත්‍රීවරුන්ට තව විදියකටයි මොකටද? කාටත් ඩබල් කැබ් දීලා පරණ නඩත්තු වියදම වැඩි, සැප වාහන සියල්ල විකුණල දාන්න පුළුවන්නේ. ප්‍රශ්නෙ සමහර ඇමතිලා v8ම ඉල්ලන එකයි, එහෙම නේද?

: 22 45

සෙනෙවිරත්න Monday, 25 November 2024 01:10 PM

මේ පුවත අනුව කියන දේ නොතේරෙන, තමන් හිතන දේ මෙතැන කියන සහ තමන් මෙතෙක් පත්කළ උන්දැලා කරපු විදියට මේ රජයත් කරයි කියලා හිතලා වැඩේ එහෙම නොවුණාම දුකට රචනා ලියන අය කීපදෙනෙක් ඉන්නවා. අනෙක හොඳ දේටත් එරෙහිව කමන්ට් කරන කුලී බලකාය තවමත් වැඩ වග පේනවා.

: 9 7

සෙනෙවිරත්න Monday, 25 November 2024 01:14 PM

යෝගා, ඇමැති සහ මන්ත්‍රී අතර හැම රටේම වෙනසක් තියෙනවා. කවුරුවත් වී අට වාහන ඉල්ලන්නෙත් දෙන්නෙත් නැති බව මේ පුවත කියනවා.. එතකොට ඔබ කියන එක ඔබ හිතන එකම නම් කණගාටුයි. සොරි, ඒක වෙන්නේ නැහැ. මේ සජිත්ගේ හෝ රනිල්ගේ රජය නොවේ.

: 4 4

Ruwan De Silva Monday, 25 November 2024 02:25 PM

මට නම් දුකයි... තාමත් හොරුන් පෙනි පෙනී හොරකම් කරන හැටි දැනගෙන කඩේ යන අය දැක්කාම. ඩිස්ලයික් දාන්නේ ප්‍රයිවට් ටැබ් ඕපන් කරලා. පව් අපරාදේ කාලය...!

: 3 1

විදුර Monday, 25 November 2024 03:32 PM

ලංකාවේ ආණ්ඩුවේ අයයි ජනතාවයි තාම පරණ 225 අල්ලාගෙන ඒක බයිට් එකට අරගෙන ජොලියක් ගන්නවා.ඒක අවුලක් නෑ.ඒත් කවුරුවත් ආරක්ෂක අංශයට දීලා තියෙන සැප පහසුකම් ගැන කතා කරන්නෙ නෑ.ඒකත් මේ රටේ අංශයක්.225 ට වඩා සිය ගුණයක වාහන සහ දීමනා ඔවුන්ට දීල තියෙනවා. ඔය 225 ට තඩි බෑවා කියල ඇත්තටම ලංකාවේ දියුණුවක් වෙන්නේ නෑ.ඊට වඩා සිය දහස් ගුණයක මුදලක් රාජ්‍ය නිලධාරීන් සහ ආරක්ෂක අංශයන් නිලධාරීන් නීති අණපනත් වලින් භුක්ති විඳිනවා.ජනාධිපති එක වාහනේක යනවානම් හමුදාවේ ලොක්කන්ට එහෙම යන්න බැරි ඇයි.

: 0 3

[email protected] Wednesday, 27 November 2024 11:04 AM

ඒ අය කිව්වේ කිසිදෙයක් එපා කියලනේ ඒ නිසා පරන වාහනයක්ව්ත් ඕනේ නැත

: 0 0

ඔබේ අදහස් එවන්න

දියත

පුංචි ඡන්දෙ ගමන් බිමන් වලට ගිය සල්ලි ආණ්ඩුවට දෙනවා

2025 මැයි මස 03 400 0

පළාත් පාලන ඡන්ද ප්‍රචාරක කටයුතු සඳහා තමාගේ ගමන් බිමන්වලට වැය වූ ඉන්ධන මුදල් නැවත රජයට පියවන බව ජනාධිපති අනුර දිසානායක මහතා පැවසීය.

පුංචි ඡන්දයේ මුල්ම ප්‍රතිඵලය රෑ 11ට

2025 මැයි මස 03 240 0

පළාත් පාලන මැතිවරණයේ පළමු ඡන්ද ප්‍රතිඵල රාත්‍රී 11 වන විට ප්‍රකාශයට පත් කිරීමට බලාපොරොත්තු වන බව මැතිවරණ කොමිෂන් සභාවේ සභාපති ආනන්ද රත්නායක මහතා පැවසී

හරක් කටාට දුරකථනයක් දුන් එස්.ටී.එෆ් කොස්තාපල් අත්අඩංගුවට

2025 මැයි මස 03 987 0

ත්‍රස්තවාදී පනත යටතේ රැඳවුම් නියෝග ලබා තංගල්ල පැරණි බන්ධනාගාරයේ රඳවා සිටින සංවිධානාත්මක අපරාධ කල්ලි නායකයෙකු වශයෙන් හඳුන්වන නදුන් චින්තක නොහොත් හර

පාලම් 97ක වැඩ කොටඋඩ

2025 මැයි මස 03 451 0

ගිවිසුම් අවලංගු කෙරුණු පාලම් 97ක ඉදිකිරීම් කොන්ත්‍රාත්කරුවන්ට 2023 වසරේදී රුපියල් කෝටි 33කට වැඩි මුදලක් ගෙවා ඇතැයි ජාතික විගණන කාර්යාලය නිකුත් කළ වාර්තා

’’වියට්නාමේ ඉඳන් මං ඡන්දෙ දාන්න එනවා’’

2025 මැයි මස 03 2073 0

මැයි 6 වැනිදා වියට්නාමයේ ඇරැඹෙන ජාත්‍යන්තර වෙසක් උළෙලේ සමාරම්භක අවස්ථාවට සහභාගී වී ඡන්දය දැමීම සඳහා නැවත ලංකාවට එන බව ජනාධිපති අනුර දිසානායක මහතා කීය

පාර්ලිමේන්තු ලොක්කෝ මැතිසභා වියදමින් සවාරි ගිහින්

2025 මැයි මස 03 4285 0

කථානායක නියෝජ්‍ය කතානායක නියෝජ්‍ය කාරක සභා සභාපති ලබා දෙන වාහන සංඛ්‍යාව දෙකක් දක්වා අඩු කිරීමටත් පාර්ලිමේන්තු මහ ලේකම් නියෝජ්‍ය මහලේකම් සහකාර මහලේක