(දයාරත්න ඇඹෝගම)

ගල්නෑව,නැකත්තේගම වගා භුමියකට පැමිණි අවුරැදු පහක් පමණ වයසැති වන අලි පැටියෙකු වෙඩි තබා ඝාතනය කොට හොර රහසේ වළ දැමු පුද්ගලයන් පස් දෙනෙකු අද (17)දින අත්අඩංගුවට ගත්බව වනජිවි දෙපාර්තමේන්තුවේ මීගලෑව වනසත්ව අඩවි ආරක්ෂක නිලධාරි අයි.එම්.ජි.සෙනෙවිරත්න මහතා පැවසිය.

මෙසේ අත්අඩංගුවට ගෙන ඇත්තේ ගල්නෑව,නැකැත්තේගම පදිංචි වයස අවුරැදු 42 ත් 50 ත් අතරවියේ පසුවන පුද්ගලයන් පස්දෙනෙකි.

ගල්නෑව,නැකැත්තේගම පදිංචි 42 හැවිරිදි පුද්ගලයා තම වගා භුමියට පැමිණි අවුරැදු පහක් පමන වයසැති අඩි පහක් උසැති අලි පැටවාට සිය බලපත්‍ර සහිත බෝර දොළහේ තුවක්කුවෙන් වෙඩි තබා ඝාතනය කර ඇතැයි වනජිවි දෙපාර්තමේන්තුවේ මීගලෑව වනසත්ව අඩවි ආරක්ෂක අයි.එම්.ජි.සෙනෙවිරත්න මහතා පැවසිය.

පසුව තවත් අසල්වාසි පුද්ගලයන් සිවු දෙනෙකු සමග එක්ව මෙම පුද්ගලයා තම ගොවිපලේම වළක් හාරා මියගිය අලිපැටවා වළදමා තිබුණි.