අත්අඩංගුවට ගත් සරසවි සිසුන්ට ඇප

(රෝෂන් තුෂාර)

ජනතා විමුක්ති පෙරමුණේ නව ශිෂ්‍ය ව්‍යාපාරයට අයත් විශ්ව විද්‍යාල ශිෂ්‍ය සංගම් කීපයක් ඉල්ලීම් කීපයක් මුල් කරගනිමින් පෙරේදා දින(05) ක්‍රියාත්මක කළ උද්ඝෝෂණයේදී නීති විරෝධී රැස්වීමක සාමාජිකයන් වී කලාකාරී ලෙස හැසුරුනේ යැයි අත්අඩංගුවට ගත් විශ්ව විද්‍යාල සිසුන් දෙදෙනා ඇප මත මුදා හැරීමට කොළඹ ප්‍රධාන මහේස්ත්‍රාත් ප්‍රසන්න අල්විස් මහතා අද(06) නියෝග කළේය.

මෙලෙස ඇපමත නිදහස් වූයේ මොරටුව හා ජපුර විශ්ව විද්‍යාලවල සිසුන් වන චතුරංග රූපසිංහ සහ එම්.එන් සුදර්ශන සැකකරුවන්ය.

කුරුඳුවත්ත පොලිසිය මගින් සැකකරුවන් අත්අඩංගුවට ගෙන අධිකරණයට ඉදිරිපත් කළේය.සැකකරුවන්ට රුපියල් ලක්ෂයක ශරීරය ඇප දෙකක් මහේස්ත්‍රාත්වරයා නියෝග කළේය.

අදහස් (2)

අත්අඩංගුවට ගත් සරසවි සිසුන්ට ඇප

සත්‍ය ගවේෂී. Thursday, 07 March 2024 06:33 AM

විශ්ව විද්‍යාල ළමයින්ගේ ප්‍රශ්න දඩමීමා කරගෙන පෙරසේ අදත් ජනතා විමුක්ති පෙරමුණ මේ රටේ සිසු දරුවන්ගේ අනාගතය විනාශ කිරීමට තරම් දුෂ්ඨ මට්ටමට ඇද වැටී ඇති බව පෙනේ. විමුක්තියේ නාමයෙන් සිසු දරුවන්ට විපත්ති ගෙනෙන මේ නරුමයින්ගෙන් සිසු දරුවන් බුද්ධිමත් ආකාරයෙන් බේරාගත යුතුව ඇත. රජයේ විශ්ව විද්‍යාලවල ප්‍රමිතිය පවත්වාගත නොහැකිව ඇත්තේ මේ කැරැලි කෝලාහල වලට සිසු දරුවන් පෙළඹවීම නිසායි. බොහෝ දුක්පීඩා විඳ දරා උසස් පෙළ විභාගය ඉහළින් සමත් වී විශ්ව විද්‍යාල අධ්‍යාපනය වෙත ආවත්, සිසු දරුවන්ගේ ඒ සිහිනය විනාශ කරන රාක්ෂයින් හා ඔවුන්ගේ පක්ෂයට හෙණ හතම වැදිය යුතුයි.

: 0 0

P.D Goonawardene Thursday, 07 March 2024 01:09 PM

ගෙදර අරින්න...

: 0 0