DIMO, දේශීය ඖෂධ  ක්ෂේත්‍රයට යොමු වීමත් සමඟම සිය සියලු‍ම සෞඛ්‍ය සේවා මෙහෙයුම් "DIMO Healthcare” නමින් නව මුහුණුවරකින් හඳුන්වා දෙන ලදී.

DIMO දශක 7කට වඩා වැඩි කාලයක් පුරාවට විකිරණවේදය, අක්ෂි විද්‍යාව, ස්නායු විද්‍යාව, හෘදරෝග චිකිත්සාව සහ පිළිකා රෝග යන අංශවලට අවශ්‍ය නවීන වෛද්‍ය උපකරණ සපයමින්  රටේ සෞඛ්‍ය සේවා අංශයට සිය සහයෝගය දක්වා ඇත. මෙම සේවා තවත් පුළුල් කරමින් DIMO ආයතනය, මෑතකදී ඖෂධ ක්ෂේත්‍රයට පිවිසියේය.

සිය උපාය මාර්ගික දැක්මට අනුව කටයුතු කරමින් ඖෂධ ක්ෂේත්‍රය දක්වා ව්‍යාප්ත වෙමින් Mansel Ceylon (Private) Limited සහ Associated Laboratories (Private) Limitedයන සමාගම් අත්පත් කර ගැනීමටද DIMO කටයුතු කරන ලදී.

DIMO හි සභාපති සහ කළමනාකාර අධ්‍යක්ෂ රංජිත් පණ්ඩිතගේ මහතා මෙසේ සිය අදහස් දැක්වීය. “DIMO Healthcare යන නව මුහුණුවරකින්, සෞඛ්‍ය සම්පන්න ජාතියක් ගොඩනැගීමේ අපගේ අරමුණ ඉටු කරගැනීමට අපි බලාපොරොත්තු වෙනවා. අපගේ සමාගම් දැක්ම තුළින් සෞඛ්‍ය සේවා ක්ෂේත්‍රයේ විවිධ අංශ ඔස්සේ අපගේ ප්‍රජාවන්හි සිහින හා අභිලාෂයන් බලගැන්වීමට අපට හැකියාව ලැබෙනවා.

”ජාත්‍යන්තර වශයෙන් පිළිගත් නවීන තාක්‍ෂණය දේශීය සෞඛ්‍ය සේවා අංශයට ලබාදීමට DIMO Healthcare නිරතුරුවම කැපවී සිටිනවා. සෞඛ්‍ය ක්ෂේත්‍රය තුළ උසස් සේවාවක් ලබා දීමේ අරමුණින් අප නිතරම ලොව පිළිගත් හවුල්කරුවන් සමඟ සම්බන්ධ වීමට කටයුතු කරනවා.” DIMO හි විධායක අධ්‍යක්ෂ සහ සෞඛ්‍ය සේවා අංශය භාරව කටයුතු කරන විජිත් පුෂ්පවෙල මහතා මෙසේ සිය අදහස් දැක්වීය.

Siemens Healthineers, Carl Zeiss, Draeger යන ලොව ප්‍රකට නිෂ්පාදකයන්ගේ නිෂ්පාදන තුළින්  විකිරණවේදය, අක්ෂි විද්‍යාව, දැඩි සත්කාර අංශය, හෘද රෝග චිකිත්සාව, පිළිකා රෝග, යන අංශවලට අවශ්‍ය වෛද්‍ය උපකරණ සැපයීමේ ප්‍රමුඛයා බවට DIMO පත්ව ඇත.

595