DIMO ඇග්‍රිබිස්නස්  සිය දීර්ඝ කාලීන හවුල්කරුවකු වන මහින්දා ට්‍රැක්ටර්ස් සමඟ එක්ව පසුගියදා නවතම තාක්ෂණයෙන් නිමවුණු අශ්ව බල (HP) 50 කාණ්ඩයේ  Mahindra Yuvo Tech+ 585  ට්‍රැක්ටරය ශ්‍රී ලාංකික ගොවි ප්‍රජාවට හඳුන්වා දුන්නේය.

Mahindra Yuvo Tech+ 585  ට්‍රැක්ටරය ශ්‍රී ලාංකික පාරිභෝගිකයන්ට හඳුන්වාදීමේ උත්සවය අනුරාධපුර ගලෙන්බිඳුණුවැව මනරම් වෙල්යායක  විශාල ගොවි  ජනතාවකගේ සහභාගිත්වයෙන්  සිදුවුණු අතර, උත්සවයට සහභාගී වූ ගොවීන්ට මෙම නවතම ට්‍රැක්ටර් රථය පදවා පරික්ෂා කිරීමට ද අවස්ථාව ලැබිණි.

Mahindra  හි මීළඟ පරම්පරාවේ  Yuvoට්‍රැක්ටර් මාලාව යටතේ නිෂ්පාදිත මෙම ට්‍රැක්ටරය එයටම අනන්‍ය වූ සුවිශේෂී ගුණාංග රැසකින් සමන්විත වන අතර එමඟින් මෙහි කාර්යක්ෂමතාව සහ බහුකාර්ය හැකියාව ඉහළ නැංවී ඇත. මෙහි අඩංගු ඉහළ කැරකුම් බලය (Torque) 197nm සහ 2979 CC ධාරිතාව සහිත එන්ජිම තුළින් එරුම් සහිත කුඹුරකදී මෙන්ම ප්‍රවාහනයේදී ද වැඩි බරක් ඇදගෙන යාමේ හැකියාව මෙම ට්‍රැක්ටර් රථයට ලැබී ඇති අතර, 1700 Kg කට ආසන්න එසවුම් ධාරිතාවයක් මෙය සතු වේ. මෙහි අඩංගු ඩ්‍රයි ටයිප් (Dry Type) එයාර් ෆිල්ටරය නිසා නිරන්තර නඩත්තුව හා සේවාව අවශ්‍ය නොවන අතර ෆිල්ටරය පිරිසිදු කිරීමට අවශ්‍ය වන විට ඒ බව ට්‍රැක්ටර් මෙහෙයුම්කරුට ඉතා පහසුවෙන් දැනගැනීමට එය දර්ශක පුවරුවේ සඳහන් වේ. එන්ජිම වඩා කාර්යක්ෂමතාවෙන් හා එලදායී ලෙස ක්‍රියාකිරීමට මෙම එයාර් ෆිල්ටරය නිපදවා ඇත.

ඩුවල් ක්ලච් පද්ධතිය මඟින් ගියර් මාරු කිරීමේදී PTO පද්ධතිය නොනවත්වා ධාවනය කිරීමේ හැකියාවත් PTO ක්‍රියාකාරිත්වය අතින් හසුරුවන ලීවරයක් මඟින් හැසිරවීමේ හැකියාවත් නිසා යන්ත්‍රය මඟින් වැඩි කාර්යක්ෂමතාවකින් හා ඉතා පහසුවෙන් වැඩි වේලාවක් ක්‍රියාකරුට වැඩ කිරීමේ හැකියාව ලැබී ඇත.

595