(අංජුල මහික වීරරත්න)

2028 ණය ගෙවන්න බැරි වුණොත් රටට සිදුවන බලපෑම් වළක්වා ගන්න අවශ්‍ය සුදුසු ක්‍රියාමාර්ග දැන් සිටම ගත යුතු බව විපක්ෂ නායක සජිත් ප්‍රේමදාස මහතා පැවැසීය.

2027 මාර්තු මාසයේ දී IMF ගිවිසුම් අවසන් වී රටට ලැබෙන්න ඇති විස්තීරණ ණය පහසුකම් පවා නැති වන බවත් 2028 ජනවාරි සිට ඇමරිකා ඩොලර් බිලියන 2.5 සිට 3.5 දක්වා විදේශ ණය ගෙවීමට සිදුවන බවත් විපක්ෂ නායකවරයා සඳහන් කළේය.

මේ තත්ත්වය තුළ කුමන යම් හෝ මොහොතක ණය ගෙවීම සිදුකළ නොහැකි වුවහොත් රට බරපතල ඛේදවාචකයන් රැසකට මුහුණ දෙන්නට සිදුවන බව කී විපක්ෂ නායකවරයා එවැනි ඛේදනීය අවස්ථාවක් නිර්මාණය වෙන්නට පෙර ඒවා වලක්වා ගන්න අවශ්‍ය සුදුසු ක්‍රියාමාර්ග ප්‍රතිපත්ති ක්‍රියාත්මක කළ යුතු බව පැවැසීය.