IMG-LOGO

පහ වසර ශිෂ්‍යත්ව මගඩියක් ගැන අධ්‍යාපන ඇමැතිට පැමිණිල්ලක්

(බිඟුන් මේනක ගමගේ) 


පහ වසර ශිෂ්‍යත්වයෙන් ඉහළ ලකුණු ලබා සමත්වන දරුවන්ට උසස් පාසලකට ඇතුලත් වීමට ඇති අවස්ථා ගණන අධ්‍යාපන බලධාරින් සම්පූර්ණ නොකොට ඒ වෙනුවට වංචනික ලෙස ඉහළ ශ්‍රේණිවලට සිසුන් ඇතුලත් කරන බවට ලංකා ගුරු සංගමය අධ්‍යාපන ඇමැති ඩලස් අලහප්පෙරුම මහතාට පැමිණිලි කර ඇත.

පසුගිය වසර තුනක කාලය තිස්සේ මෙසේ පහ වසර ශිෂ්‍යත්වය ඉහළින් සමතුන්ට ඇති අවස්ථා මුළුමනින් පුරවා නැතැයි ද ඒ අනුව මෙසේ පැමිණිලි කොට ඒ සම්බන්ධයෙන් පූර්ණ පරීක්ෂණයක් කරන්නැයි අධ්‍යාපන ඇමැතිවරයාගෙන් ඉල්ලා සිටියේ යැයි ද ලංකා ගුරු සංගමයේ ප්‍රධාන ලේකම් ජෝෂප් ස්ටාලින් මහතා ‘ලංකාදීප’ යට අද(23) පැවැසීය.

මෙම වංචනික ක්‍රමවේදය නිසා ශිෂ්‍යත්ව දරුවන්ට හිමි පුරප්පාඩු රැසක් දිවයින පුරා පාසල් රැසක පවතින්නේ යැයි කී හෙතෙම මෙය තනිකරම එම දරුවන්ගේ අධ්‍යාපන අයිතිය උල්ලංඝනය කිරීමක් යැයි චෝදනා කළේය.

දේශපාලකයන්ගේ හා බලවතුන්ගේ ඕනෑ එපාකම් මත සිදුව ඇති මේ අවනඩුවට අධ්‍යාපන අමාත්‍යාංශයේ පාසල් කටයුතු අංශයේ නිලධාරින් සෘජුව වගකිව යුතු යැයි ද ස්ටාලින් මහතා අවධාරණය කර කීය.

මෙවැනි වංචනික සිදුවීම්වලදී කෙරෙන පැමිණිලි මත විවිධ පරීක්ෂණ පැවැත්වුවද ඒවායේ නිගමන අනුව වැරැදිකරුවන්ට නීතිය ක්‍රියාත්මක නොවීම බලවත් දුර්වලතාවයක් යැයි ද දූෂිත නිලධාරින්ට යළි යළිත් එම ක්‍රියාවල නිරතවීමට අවස්ථාව ලැබෙන්නේ එහෙයින් යැයි ද ස්ටාලින් මහතා චෝදනා කළේය.

එමනිසා මෙම සිදුවීම සම්බන්ධයෙන් පූර්ණ පරීක්ෂණයක් සිදුකර වැරැදිකරුවන් නීතිය හමුවට පමුණුවන්නැයි උදක්ම අධ්‍යාපන ඇමැතිවරයාගෙන් ඉල්ලා සිටියේ යැයි ද ස්ටාලින් මහතා වැඩිදුරටත් සඳහන් කළේය.

 



අදහස් (3)

පහ වසර ශිෂ්‍යත්ව මගඩියක් ගැන අධ්‍යාපන ඇමැතිට පැමිණිල්ලක්

sharm warn Monday, 23 December 2019 10:17 AM

අයියෝ මේ ශිෂ්‍යත්ව වසංගතයත් ඒ හරහා මෑතකාලීනව බිහිවුණු ජනප්‍රිය පාසල් රැල්ලත් නිසා අපේ දරුවන් කීදෙනෙක් අනාගතය අඳුරු කරගෙන ඇතිද...? මේ ක්‍රමය ඉවත්කර 5 වසර විභාගයෙන් ඉස්සර වගේ මූල්‍ය ආධාර උවමනා දරුවන් තෝර‍ා ගැනීමක් කරන්න. මේ පොඩි දරුවන්ගේ මනස කන ක්‍රමය නිවැරදි කරන්න.

:       16       1

Charith Monday, 23 December 2019 10:49 AM

2016 වසරේ මාගේ පුතා මෙම විභාගය සමත් වූ අතර ඔහු තර්ස්ටන් විද්‍යාලයට තේරුණි. ඔහු ඇතුළත් වනවිට පන්තියේ සිසුන් ගණන 27ක්වූ අතර දැන් සිසුන් වසර අවසන් වනවිට සිසුන් ගණන 39 කි.

:       0       20

Ravidu Monday, 23 December 2019 11:46 AM

පගාවට, අල්ලසට ළමයින් ඇතුළට ගන්නවා.

:       0       2

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 245 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 773 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1194 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site