ජයන්ත සමරකෝන්
 
රුපියල් කෝටි ගණනක මත්ද්‍රව්‍ය චෝදනාවකට සම්බන්ධ සැකකරුවකු කළුතර බන්ධනාගාරයේ සිට නඩු කටයුත්තක් සඳහා කෑගල්ල බන්ධනාගාරය වෙත යවා තිබියදී අතුරුදන් වී ඇතැයි එම බන්ධනාගාර ආරංචි මාර්ග අනාවරණය කරයි.

මෙම සැකකරු ජාත්‍යන්තර මත්ද්‍රව්‍ය ජාවාරම්කරුවකු වන දැනට ජීවිතාන්ත සිරදඬුවම් විඳින සුසෙයි නැමැත්තාගේ ප්‍රධාන ගෝලයකු වන ගාල්ල මහගල වත්ත ප්‍රදේශයේ පදිංචි සුනිල් ශනාත් නමැති 37 හැවිරිදි පුද්ගලයෙකි.

පොලිසිය විසින් මත්කුඩු කිලෝ දෙකක් සමඟ හොරණ නිවසක සැඟව සිටියදී සැකකරු අත්අඩංගුවට ගෙන තිබිණි.

සැකකරු මෙම හෙරොයින් නඩුව සඳහා රැගෙන එන ලෙසට කළුතර බන්ධනාගාරයෙන් කළ දැනුම් දීමට අනුව ඔහුව කොළඹ රක්ෂිත බන්ධනාගාරය වෙත භාරදුන් බව පවසා ඇතත් සැකකරු නොමැති බව අනාවරණය වී ඇත.