තවුහිත් ජමාත් කණ්ඩායම් හම්බන්තොටදීත් සන්නද්ධ පුහුණුව ලබලා

(බිඟුන් මේනක ගමගේ)

කාත්තන්කුඩි ප්‍රදේශයේ දී අත්අඩංගුවට ගත් පුද්ගලයන් හත් දෙනාට ජාතික තවුහිත් ජමාත් ත්‍රස්ත කණ්ඩායම හම්බන්තොට ප්‍රදේශයේදී සන්නද්ධ පුහුණුව ලබා දී ඇතැයි ජ්‍යෙෂ්ඨ පොලිස් නිලධාරියෙක් ලංකාදීපයට පැවසීය.

පාස්කු ඉරිදා ත්‍රස්ත ප්‍රහාර මාලාවේ මහ මොළකරු ලෙස හැඳින්වෙන සහරාන් හෂීම්ගේ සමීපතමයන් ලෙස හඳුනාගෙන ඇති මෙම පිරිස හම්බන්තොට ප්‍රදේශයට ගෙනයාමේ කටයුතු සිදුකරනු ලැබ ඇත්තේ හෂීම්ගේ සොහොයුරකු විසින් බව එම නිලධාරියා කීය.

කාත්තන්කුඩි පොලිසියේ ස්ථානාධිපති පොලිස් පරීක්ෂක එන්.පී කස්තුරිආරච්චි මහතා ඇතුලු පොලිස් කණ්ඩායමක් විසින් මෙම සැකකරුවන් අත්අඩංගුවට ගෙන ඇත.

පාස්කු ඉරිදා ප්‍රහාරයට මෙම පිරිසේ සම්බන්ධයක් තිබේද යන්නත් ඔවුන්ගේ ඉදිරි සැලැසුම් ගැනත් තවදුරටත් ප්‍රශ්න කිරීම් සිදුකෙරෙන බවත් එම නිලධාරියා වැඩිදුරටත් සඳහන් කළේය.

අදහස් (4)

තවුහිත් ජමාත් කණ්ඩායම් හම්බන්තොටදීත් සන්නද්ධ පුහුණුව ලබලා

sarath Wednesday, 08 May 2019 01:25 AM

මේ පැතිවල පොලිසියට නීතිය ක්‍රියාත්මක කරන්න දුන්නෙම නැහැ, මතකනේ වැලි හොරු අල්ලන්න ගියාට පස්සේ පල්ලියෙනුත් ඇවිත් එස්. ටී. එෆ් එකටයි , නෙවි එකටයි ගැහුවේ. පුල්මුඩේ වැලි හොරුත් එහෙමයි ගම් පිටින් ඇවිත් නීතිය ක්‍රියාත්මක කිරීම ට අවහිර කලේ. දැන් පෙනෙනවානේ මොකටද එහෙම කලේ කියලා. දෙකට නැමිලා ඉඳල හරියන්නේ නැහැ , රට ට නැවත අන්තවාදී යුද්ධයක් නොඑන්න නම් නීතිය හැමෝටම එක වියයුතුයි !

: 0 31

සනත් Wednesday, 08 May 2019 02:38 AM

අප්පචිච් දැනුවක් කරලා ද පුහුණු වුනේ?

: 188 197

sampath Wednesday, 08 May 2019 04:43 AM

නිදහස් කරනවා ටික දවසකින්...

: 0 16

සේන Wednesday, 08 May 2019 05:57 AM

ඔප්පු කරන්න සාධක නෑ කියලා උසාවියෙන් නිදහස් වෙලා ඇවිත් අලුතෙන් පුහුණු වීම් පටන් ගනී.

: 0 21