IMG-LOGO

2023 සැප්තැම්බර් මස 24 වන ඉරිදා


සීගිරියේ කෝටි ගානක හොර ඉඩම් ගනුදෙනුවක්

(*** දඹුල්ල - කාංචන කුමාර ආරියදාස)

ප්‍රධාන පෙළේ ධනවත් ව්‍යාපාරිකයකුගේ බිරිඳක අඩු ආදායම්ලාභිනියක ලෙස පෙනී සිටිමින් ව්‍යාජ ලේඛන සකස් කර සීගිරිය ප්‍රදේශයේ රුපියල් කෝටි ගණනක් වටිනා ඉඩමක් පවරා ගැනීමේ සිද්ධියක් දඹුල්ල ප්‍රාදේශීය ලේකම් කාර්යාලයෙන් වාර්තා වේ.

රුපියල් කෝටි ගණනක් වටිනා පර්චස් 90කට ආසන්න මෙම ඉඩම පවරා දී ඇත්තේ ව්‍යාජ හැඳුනුම්පතක් සහ මාසික ආදායම රුපියල් 7000ට අඩු ආදායම්ලාභියකු ලෙසට කූඨ ලේඛන සකස් කිරීමෙන් පසුව බවට ද තොරතුරු අනාවරණය වී ඇත.
එම ව්‍යාජ ලේඛන සකස් කළ ග්‍රාම නිලධාරියා මේ වනවිට වැඩ තහනමට ලක්ව ඇති බව දඹුල්ල ප්‍රාදේශීය ලේකම් කාර්යාලය වාර්තා කරයි.

දඹුල්ල ප්‍රාදේශීය ලේකම් කාර්යාලයට අනුයුක්තව රාජකාරියේ යෙදී සිටි මෙම ග්‍රාම නිලධාරියාගේ වැඩ තහනම් කිරීම සම්බන්ධයෙන් තොරතුරු දැනගැනීමේ පනත ප්‍රකාරව කරන ලද විමසීමකට අනුව ලැබුණු තොරතුරු මත මෙම ඉඩම් පවරා ගැනීමේ සිද්ධිය සම්බන්ධයෙන් අනාවරණය වී ඇත.

දඹුල්ල ප්‍රාදේශීය ලේකම් කොට්ඨාසයට අයත් මයිලන්තෑව ප්‍රදේශයේ පදිංචි ඇතුගල් පේඩිගේ පද්මිණී යන අය විසින් අංක ජී ආර්/ 5/ 031539 දරන දීමනා පත්‍රයට අනුව මෙම ඉඩම පවරා දෙනු ලැබ ඇත්තේ පරණගම, දඹුල්ල ලිපිනයැති ව්‍යාපාරිකයාගේ බිරිය වෙත බව එම තොරතුරුවලින් හෙළිවී තිබේ.

එම ඉඩමේ පදිංචිව සිටි ඇතුගල් පේඩිගේ පද්මිණී යන අය තම ඉඩම නඩත්තු කරගත නොහැකි බැවින් එය තවත් අඩු ආදායම්ලාභී කාන්තාවක ලෙසින් හැඳින්වූ ව්‍යාපාරිකයාගේ බිරිය වෙත පවරා දෙන ලෙසට දඹුල්ල ප්‍රාදේශීය ලේකම්වරයා වෙත ඉල්ලීමක් කර ඇත්තේ ඉකුත් 2020 වසරේ ඔක්තෝබර් මස 05 වැනිදාය.

ආර්ථික සංවර්ධනය නගාසිටුවීම වස් අඩු ආදායම්ලාභී පවුල් වෙනුවෙන් රජයේ ඉඩම් පැවරීම සිදුකරනු ලබන අතර, ඒ සඳහා අදාළ ඉඩම පිහිටි ග්‍රාම නිලධාරී වසමේ ග්‍රාම නිලධාරියා සහ ඉඩම් නිලධාරී මෙන්ම ජනපද නිලධාරියා ද අදාළ හිමිකම් පරීක්ෂාකොට සියලු තොරතුරු ප්‍රාදේශීය ලේකම්වරයා වෙත ලබාදිය යුතුව ඇත. එම ලේඛන සියල්ල පරීක්ෂා කිරීමෙන් අනතුරුව ප්‍රාදේශීය ලේකම්වරයා අදාළ ඉඩම පවරා දීමට අදාළ අනුමැති ලිපියට අත්සන් කරනු ඇත.

ඒ අනුව, ඇතුගල් පේඩිගේ පද්මිණී යන අයට අයත් අංක ජී ආර්/ 5/ 031539 දරන රූඩ් 02 පර්චස් 15.1 ක මෙම ඉඩම් කොටස ව්‍යාපාරිකයාගේ බිරියට බැහැර කිරීමට දඹුල්ල ප්‍රාදේශීය ලේකම් පියල් ජයසූරිය මහතා අත්සන් කර ඇත්තේ ඉකුත් 2020 දෙසැම්බර් මස 14 වැනිදාය.

පැවරුම්කාරියගේ ස්වාමිපුරුෂයා ගොවිතැන් කරන බවත්, ඔවුන්ගේ මාසික ආදායම රුපියල් 7000/-ට අඩු බවත් සඳහන් කරමින් ග්‍රාම නිලධාරියා සහතිකයක් ලබා දී තිබුණේ ඉකුත් 2020 ඔක්තෝබර් මස 29 වැනිදාය. එම දෙපළට අවුරුදු 18ට වැඩි අවිවාහක දරුවන් නොමැති බවත් වෙනත් යැපෙන්නන් නොමැති බවත්, එම සහතිකයේ සඳහන්කොට ඇත.

මෙම ඉඩමේ පැවරුම්කාරිය ඉහළ ඇරැවුල, දඹුල්ලේ පදිංචි බවට සනාථ කිරීම සඳහා එම ලිපිනය සහිත ජාතික හැඳුනුම්පතක ඡායා පිටපතක් අදාළ ලිපිගොනුවට ඉදිරිපත් කර ඇති නමුත්, එම ලිපිනයෙහි අදාළ නම සහිත කාන්තාවක හෝ දරුපවුලක් පදිංචිව නොමැති බවට ප්‍රාදේශීය ලේකම් කාර්යාලය සතුව කිසිදු තොරතුරක් නොමැති බවත් එවන් ජාතික හැඳුනුම්පතක් එම ප්‍රාදේශීය ලේකම් කාර්යාලය මගින් නිකුත් කර නොමැති බවත් එහි ප්‍රකාශකයෙක් පැවසීය.

තොරතුරු දැනගැනීමේ පනතට අනුව ලබාගත් දත්ත මත කූට ලේඛන සකස්කොට මෙම ඉඩම් පවරා ගැනීමේ සියලු තොරතුරු, තොරතුරු දැනගැනීමේ පනතට අනුව අනාවරණය කර ගැනීමට හැකි විය. මේ සම්බන්ධයෙන් ග්‍රාම නිලධාරියාගේ සේවය අත්හිටුවීම පිළිබඳව දිස්ත්‍රික් ලේකම් එස්.එම්.ජී.කේ. පෙරේරා මහතාගෙන් විමසීමක් කළෙමු.

ව්‍යාජ ලිපිලේඛන සකස් කර රජයේ ඉඩමක් පැවරීම සම්බන්ධයෙන් සිදුකළ මූලික පරීක්ෂණයකට අනුව මෙම ග්‍රාම නිලධාරියාගේ සේවය අත්හිටු වූ බවත්, මේ සම්බන්ධයෙන් ඔහුට ආධාර අනුබල දුන් තවත් කණ්ඩායම් හෝ පුද්ගලයකු ඇත්නම් ඒ පිළිබඳව විශේෂ විමර්ශනයක් සිදුකර ඔවුන්ට ද නීතිය ක්‍රියාත්මක කරන බව දිස්ත්‍රික් ලේකම්වරයා පැවසීය.

මේ සම්බන්ධයෙන් කළ විමසීමකදී දඹුල්ල ප්‍රාදේශීය ලේකම් පියල් ජයසූරිය මහතා සඳහන් කළේ, පහළ නිලධාරීන් ලිපි ගොනුව සකස්කොට සනාථ කර තිබීම හේතුවෙන් තමා එම ඉඩම් පැවරීමට අදාළව එම ලිපිගොනුවට අත්සන් යෙදූ බවය.

ඉඩම් හිමිකම් පැවරීමේ සිද්ධියකදී ග්‍රාම නිලධාරියා සහ ඉඩම් නිලධාරීවරයා ඇතුළු කණ්ඩායමක් විශේෂ පෝරම් කිහිපයක් පිරවිය යුතුව ඇති බවත්, අඩු ආදායම්ලාභියකු බවට සහතික කිරීම, දරුවන් ඇත්නම් ඒ අයගේ කැමැත්ත ලබාගැනීම, වෙනත් සම්බන්ධකම් ඇත්නම් එය සනාථ කිරීම, පදිංචිය සනාථ කිරීම ආදී සියල්ල පහළ නිලධාරීන් විසින් සිදුකළ යුතුව ඇති බවත් හෙතෙම පැවසී යැයි මේ සියල්ල සිදුකිරීමෙන් පසු තමන් ඉදිරියට ආ ලිපි ගොනුවට තම අත්සන යෙදූ බව ද ඔහු සඳහන් කළේය.

එහෙත් පසුව මෙම ඉඩම වෙනත් වාණිජ කටයුත්තක් සඳහා යොදා ගැනීමට අවශ්‍ය බවට තමාට ලද දුරකතන ඇමතුමකට අනුව අදාළ ලිපි ගොනුව පරීක්ෂා කළ බවත්, එහිදී වැරදි තොරතුරු ඇතුළත් කොට මෙම පැවරීම සිදුකර ඇති බවට අනාවරණය කර ගැනීමට හැකිවූ බවත් ඔහු පැවසීය.

මෙම ඉඩමේ පෙර අයිතිකාරිය වූ පේඩිගේ පද්මිණී යන අයගෙන් ඉඩමේ පැවරීම සම්බන්ධයෙන් අප විමසීමක් කළ අතර එහිදී ඇය සඳහන් කළේ, තමාත් තම සැමියාත් දැඩි ලෙස ගිලන්ව සිටින බැවින් තම ඉඩම ආසන්නයේ සිටි මහතෙකු තමන්ට මුදල්වලින් උපකාර කළ බැවින් එම ඉඩම ඔහුට පැවරූ බවය.

පරණගම දඹුල්ල ලිපිනයේ පදිංචි බව කියන අඩු ආදායම්ලාභී කාන්තාව කවුද යන්න තමන් හඳුනන්නේ නැති බව ද ඇය සඳහන් කළාය.

මෙම ඉඩම් පැවරීම සම්බන්ධයෙන් අදාළ ලිපිගොනු සඳහා සාක්ෂිකරුවන් ලෙස ඩබ්ලිව්.ජී.අයි. සංජීව අසේල මහතා සහ ඩබ්ලිව්.ජී.ඒ.එල්.ජී වර්ණසූරිය යන දෙදෙනා අත්සන් කර ඇති අතර ඔවුන්ගෙන් කරන ලද විමසීමේදී ඩබ්ලිව්.ජී.ඒ.ජී. වර්ණසූරිය මහතා සඳහන් කළේ තමන් හිතවතකු මාර්ගයෙන් මෙය අත්සන් කළ බවත් තමන් වෙනත් කිසිවක් නොදන්නා බවත්ය.

මෙහි සාක්ෂි ලෙසින් අත්සන් තැබූ ජී.අයි. සංජීව අසේල මහතා සඳහන් කළේ, පැවරුම්කාරිය වසර 10ක පමණ සිට තමන් දන්නා හඳුනන නිසාත්, අදාළ ඉඩමේ හිමිකාරියට සහ ඇගේ සැමියාට උදව් උපකාර කිරීම නිසාත් මෙම ඉඩම පැවරීමට අවශ්‍ය කටයුතු තමන් විසින් සිදුකරනු ලැබූ බවය. එසේම, එම ලිපිගොනුවල වරදක් ඇති බැවින් තමන් ඒ පිළිබඳව ප්‍රාදේශීය ලේකම්වරයා ද දැනුවත් කළ බවද හෙතෙම පැවසීය.
මෙම ඉඩමේ පැවරුම්කාරිය දුරකතනයෙන් සම්බන්ධ කර ගැනීමට අප උත්සාහ ගත් අවස්ථාවේදී ඇය විදේශගතව සිටින බවට හෙළිවිණි.

 



අදහස් (4)

සීගිරියේ කෝටි ගානක හොර ඉඩම් ගනුදෙනුවක්

සමිත සේනක අලුත්ගමගේ. Tuesday, 02 March 2021 09:30 AM

"සීගිරි පර්වතයේ ගල් මෝලක් දමමු.. ගස්ටික කපා සැම සිව්පා මස්කරමු... ඇල දොළ ගං ජලය සිඳවා හිස්කරමු... ඔක්සිජන් කන්න කී ඇමැතියා රජ කරමු...

:       1       14

Nuwan Tuesday, 02 March 2021 12:44 PM

සීගිරිය ගල්කොරියකට දුන්නේ නැතිනම් මේ ආණ්ඩුව... ඉර අනික් පැත්තෙන් පායනවා... ඕන් කිව්වා.!!! 

:       1       7

WCA Tuesday, 02 March 2021 03:07 PM

ප්‍රධාන පෙළේ ධනවත් ව්‍යාපාරිකයෙකුගේ බිරිඳක්... ඔය ග්‍රාමසේවකට වුණා වගේ ඕකට දඬුවමක් හම්බවුනොත් අපිටත් කියන්න හොඳේ...

:       0       5

දිමුත් Wednesday, 03 March 2021 05:37 AM

ඔය වගේ ඒවා තව කීයක් රටපුරා වෙලා තියෙනවද දන්නැහැ...?

:       0       0

ඔබේ අදහස් එවන්න

දියත

ශ්‍රී ලංකා ක්‍රිකට් ක්‍රීඩිකාවෝ රන් පදක්කම් සටනට එති
2023 සැප්තැම්බර් මස 24 76 0

චීනයේදී දැන් පැවැත්වෙන ආසියානු ක්‍රීඩා උළෙල කාන්තා ක්‍රිකට් තරගාවලියේ අවසන් මහ තරගයට සුදුසුකම් ලැබීමට ශ්‍රී ලංකා කාන්තා ක්‍රිකට් කණ්ඩායම අද (24) සමත්


‘සොරකම් කළාට ගහන්න අයිතියක් නෑ-පොලීසිට කියන්න’
2023 සැප්තැම්බර් මස 24 131 0

සුපිරි වෙළෙඳ සැල් තුළ හෝ වෙනත් වෙළෙඳ සැල්වල භාණ්ඩ සොරකම් කිරීම සම්බන්ධයෙන් අල්ලා ගන්නා පුද්ගලයන්ට පහර දීම් සිදුනොකර ඔවුන් සම්බන්ධයෙන් ළගම ඇති පොලි


ගම්පොළ ලංගම බසයක ත්‍රාස ජනක පැහැර ගැනීමක්
2023 සැප්තැම්බර් මස 24 430 1

මාවෙල සිට ගම්පොල දක්වා ධාවනය වෙමින් තිබූ බස් රථයකට කඩදොර ප්‍රදේශයේ දී ගොඩ වූ පුද්ගලයින් සිව්දෙනකු එම බස් රථයේ ගමන්ගත් ලංගම රියැදුරකුට පහරදී වෑන් රථයක


සජිත්ගෙන් මිහින්තලේට කෝටියක සෝලා ලාම්පු දෙයි
2023 සැප්තැම්බර් මස 24 535 5

විපක්ෂ නායක සජිත් ප්‍රේමදාස මහතා ඓතිහාසික මිහින්තලා පුද බිමේ ආලෝකකරනය කිරීම සඳහා රුපියල් එක්කෝටි විසි ලක්ෂයකට අධික සෝලා ත් විදුලි පහන් තොගයක් පරිත්‍


විගණකාධිපතිවරයාගේ විශ්‍රාම දීමනාව ඉහළට
2023 සැප්තැම්බර් මස 24 339 1

විශ්‍රාමික විගණකාධිපතිවරුන්ට විශ්‍රාම වැටුප සමග දෙන රුපියල් 25,000 ක දීමනාව රුපියල් 50,000 දක්වා වැඩි කිරීම සඳහා යෝජනාවක් අග්‍රාමාත්‍ය සහ රාජ්‍ය පරිපාලන ස


සාදය මරණයෙන් කෙලවර වෙයි
2023 සැප්තැම්බර් මස 24 659 0

මිහින්තලේ පොලිස් වසමේ සීප්පුකුලම ප්‍රදේශයේ නිවසක පැවති සාදයක් අතරතුර ඇති වූ බහින් බස් වීමක් දුර දිග ගොස් සිදු වූ ගුටි බැට හුවමාරුවකින් පුද්ගලයෙකු ජී


මේවාටත් කැමතිවනු ඇති

උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව 2023 සැප්තැම්බර් මස 06 1529 0
උත්සාහය හා දැඩි කැපවීම නිසා ක‍්‍රිකට් දිවිය ජයගත් එෂාන් මාලිංගගේ අපූරු කතාව

දැඩි ආශාව හා කැපවීම මුණගැසෙන ක‍්‍රිකට් වැනි ක්ෂේත‍්‍රයක් තුළ, එෂාන් මාලිංග පැමිණි ගමන් මග නම් එතරම් ආශ්වාදජනක එකක් නොවේ. ඔහුගේ පන්දු යැවීමේ වේගය හා දක

දරු පැටියාට සුරක්ෂිත ලොවක් තනමු 2023 අගෝස්තු මස 28 689 0
දරු පැටියාට සුරක්ෂිත ලොවක් තනමු

නිවසේ දී වැටීම් හා පිළිස්සීම්වලින් දරුවන් ආරක්ෂා කිරීම දෙමව්පියන්ගේ යුතුකමකි. දරුවන් නිවසේ දී ඇද වැටීම්වලට ලක් වීම සාමාන්‍ය දෙයකි. වගකීම් සහගතව නිවැ

ශ‍්‍රී ලංකා ඉන්ෂුවරන්ස් - ආයතනික වටිනාකම් කේන්ද්‍ර කරගත් අනාගතයට පිය නගන  සේවා ස්ථානයක්. 2023 අගෝස්තු මස 24 390 0
ශ‍්‍රී ලංකා ඉන්ෂුවරන්ස් - ආයතනික වටිනාකම් කේන්ද්‍ර කරගත් අනාගතයට පිය නගන සේවා ස්ථානයක්.

දේශයේ රක්ෂකයා වන ශ‍්‍රී ලංකා ඉන්ෂුවරන්ස් :ීඛෂක්‍* මෙරට විශාලතම රාජ්‍ය හිමිකාරිත්වය සතු රක්ෂණ ආයතනය වන අතරල හැකියාවෙන් පිරිපුන් දක්ෂ කාර්යමණ්ඩලය ශ‍්‍

Our Group Site