(මනෝප්‍රිය ගුණසේකර)

පාස්කු ඉරුදින ත්‍රස්ත ප්‍රහාරය වලක්වා නොගැනීම ඇතුලු චෝදනාවලින් නිදහස් වු හිටපු ආරක්ෂක ලේකම් හේමසිරි ප්‍රනාන්දු සහ හිටපු පොලිස්පති පූජිත ජයසුන්දර මහත්වරුන්ට එරෙහි නඩුව ලබන 28 වැනිදා කැඳවීමට කොළඹ විශේෂ ත්‍රිපුද්ගල මහාධිකරණ විනිසුරු මඩුල්ල අද (22) නියම කළේය.

පාස්කු ඉරුදින ත්‍රස්ත ප්‍රහාරය වලක්වා නොගැනීමේ නඩුවෙන් හිටපු ආරක්ෂක ලේකම් හේමසිරි ප්‍රනාන්දු සහ හිටපු පොලිස්පති පූජිත ජයසුන්දර මහත්වරුන් නිදහස් කරමින් දුන් නියෝගය බලරහිත කරමින් ශ්‍රේෂ්ඨාධිකරණය දුන් නියෝගය දැනුම් දීම සඳහා නඩුව කැඳවු අවස්ථාවේදී විනිසුරු මඩුල්ල එලෙස නියම කළේය.

නඩුව කොළඹ විශේෂ ත්‍රිපුද්ගල මහාධිකරණ විනිසුරුවරුන් වන නාමල් බලල්ලේ හා මොහොමඩ් ඉර්සර්දීන් යන මහත්වරුන්ගෙන් සැදම්ලත් විනිසුරු මඬුල්ල හමුවේ කැඳවීය.

අධිකරණය මීට පෙර අවස්ථාවක නිකුත් කර තිබු සිතාසි වලට අනුව නඩුව කැඳවු අවස්ථාවේදී හිටපු ආරක්ෂක ලේකම් හේමසිරි ප්‍රනාන්දු සහ හිටපු පොලිස්පති පූජිත ජයසුන්දර මහත්වරුන් අධිකරණයේ පෙනී සිටියහ.