(මනෝප්රිය ගුණසේකර හා රොෂන් තුෂාර)
තරුණයකු පැහැරගෙන ගොස් පහර දීමේ සිද්ධියකට තම පුද්ගලික ආරක්ෂකයින්ට ආධාර අනුබල දීමේ චෝදනාවන්ට වරදකරු වීසිර දඬුවම් නියම වූ හිටපු පාර්ලිමේන්තු මන්ත්රීනි හිරුණිකා ප්රේමචන්ද්ර මහත්මියකොන්දේසි සහිත ඇප මත මුදා හැරීමට කොළඹමහාධිකරණ විනිසුරු අමල් රණරාජා මහතා අද (22) ඇප නියම කළේය.
රුපියල් පනස් දහසක මුදල් හා ලක්ෂ පහ බැගින් වටිනා ඇපකරුවන් දෙදෙනකුගේ ශරීර ඇප මත විත්තිකාරිය මුදා හැරිමට නියමකළ විනිසුරුවරයා ඇප තැබිමෙන් පසු අධිකරණයේ අවසරයකින් තොරව විදේශ ගතවිම ද තහනම් කරමින් ඇප කොන්දේසියක් ද පැනවීය.
අභියාචනාධිකරණය හමුවේ ගොනු කර ඇති අභියාචනයට යටත්ව විත්තිකාර හිරුණිකා ප්රේමචන්ද්ර මහත්මිය මෙසේ ඇප මත මුදාහැරිණි.
ඉදිරිපත් වු කරුණු පිළිගනිමින් ඇයට කොන්දේසි සහිත ඇප නියම කල විනිසුරුවරයා වාත්තිකාරිගේ විදේශගමන් බලපත්රය අධිකරණයට බාර දිමටද නියම කළේය.
(ඡායාරූප: රුෂිරු කොළඹතන්ත්රිගේ)
COMMENTS
කවුරු වත් හිරේ ගියා කියලා සතුටක් භුක්ති විඳිනව නෙවෙයි. හිරේ දානවා ඇප දෙනවා. මොකද්ද අමුතු දෙයක්.
ජනතාවට ජය, ඔබතුමියට ශක්තිය
ජාතීන් අතර කෝලාහල වපුරපු ඥානසාරට ඇප දුන්නා නම් හිරුණිකාට දුන්නාම මොකද වෙන්නේ
හරියට හරි සුගත්...
ධනයයි බලයයි තියෙනවා නම් මොනවද මේ රටේ බැරි?
හිරේ ගහින් ආවම ජන්ද වැඩි වෙනවා. ඒක ලංකාවෙ දේශපාලකයොන්ට අමතර සුදුසු කමක්.
මෙවැනි අම්මාවරුන් සිය ගණනක් බන්ධනාගාරය තුළ සිටිනා බව මතක් තියාගන්න.ඔවුන්ටද මෙවැනි ආදරණීය හුරතල් දරුවන් සිටී.ඇය ඔවුන්ට මෙවැනි ඇප නොලැබෙන්නේ.එසෙනම් නීතියේ හිදැසැක් ඇති වෙන්න ඕනැ.නැතිනම් නීතිය දෙවිදිහකට සළකනවාද?
ඇය මේ වරදට සෘජුවම සම්බන්ධයි කියලා ඇයගේම ආරක්ෂකයින්ගේ ප්රකාශ වලින් කියවුනා. නමුත් අද ඇප මත නිදහස්. කුමන වරප්රසාදයක් යටතේද? යුද්ධයක් දිනුවා වගේ එනකොට පිලිගන්නට ගව සම්පතකුත් පෙර මග.
දැන්වත් හැදෙන්න.