(අංජුල මහික වීරරත්න)

හිටපු අමාත්‍ය අර්ජුන රණතුංග මහතා එක්සත් ජාතික පක්ෂ සාමාජිකත්වයෙන් ඉල්ලා අස්වී තිබේ.

අර්ජුන රණතුංග මහතාගේ ඉල්ලා අස්වීමේ ලිපිය ලැබුණු බවත් එය බාරගත් බවත් පක්ෂ මහ ලේකම් පාලිත රංගේ බණ්ඩාර මහතා ලංකාදීපයට පැවැසීය.

පක්ෂ නායක රනිල් වික්‍රමසිංහ මහතා ආමන්ත්‍රණය කරමින් ඉල්ලා අස්වීමේ ලිපිය ලියා ඇති හිටපු අමාත්‍ය අර්ජුන රණතුංග මහතා සඳහන් කරන්නේ දැවැන්ත පරාජයක් ලැබූ පසු වත්මන් සහ අනාගත අභියෝග ජය ගැනීමට සුදුසු වැඩපිළිවෙළක් සකස් කළ යුතු වුවත් එවන් වැඩපිළිවෙළක් ඇතිවන  බවක් පෙනෙන්නට නැති හෙයින් තවදුරටත් පක්ෂයේ රැඳී සිටීම ඵලක් නොවන බව හැඟී යන හෙයින් සාමාජිකත්වයෙන් ඉවත් වන්නට තීරණය කළ බවයි.

රටේ යහපත සඳහා රනිල් වික්‍රමසිංහ මහතා ප්‍රකට කළ නායකත්ව ගුණාංග බෙහෙවින් අගය කරන බවද අර්ජුන රණතුංග මහතා සිය ඉල්ලා අස්වීමේ ලිපියේ සඳහන් කරයි .