IMG-LOGO

2024 අප්‍රේල් මස 15 වන සඳුදා


සම සුදු කරගන්න රැල්ලට ඔබත් හසුවෙලාද?

අවයවවල හැඩය වෙනස් කරගන්න, සමේ වර්ණය වෙනස්කරගන්න, මුහුණ සුදු කරගැනීම, සඳහා කරන ප්‍රතිකාරයන්වලට මේ වන විට ලෝකය තුල ඉහළ ජනප්‍රියත්වයක් හිමිවී තිබේ.

කොහොම වුණත් දැන් මේ රැල්ලත් එක්ක ලංකාවේ හුඟක් යුවතියන් මුහුණ සුදුකරගන්න දරන උත්සහය වැඩිවෙලා. මේ සඳහා තරුණ යුවතියන්ගේ ඇබ්බැහිවීම කෙතරම් වැඩිවී ඇතිදැයි කියනවනම්, ඒ නිසාම ප්‍රසිද්ධ සමාජ ජාල ඔස්සේ ප්‍රමිතියකින් තොර සම සුදුවීමට ආලේප කරන ආලේපන ඔන්ලයින් හරහා අලෙවිකිරීමත් දැන් ජනප්‍රියතම රැල්ලක් බවට පත්වී තිබේ. ඒ පිළිබඳ වෛද්‍ය තුෂාන් බෙනරගම මහතා සමඟ සිදුකල සාකච්ඡාවයි මේ.

උපතින් ඔබට හිමි වී ඇති සොඳුරු වර්ණය ප්‍රමිතියකින් තොර ආලේපන නිසා අකාලයේ විනාශකරගන්නේ ඇයි?

ආසියාතික රටවල ජීවත්වන අපට තිබෙන්නේ බොහොම අපූරු වටිනා වර්ණයක්. බොහෝ සුදු ජාතිකයන් පවා ඔවුන්ගේ සමට මේ බිස්කට් වර්ණය එකතු කරගන්න උත්සහ කරන්නේ ඒ නිසයි. ස්වභාවික අපට හිමිවී ඇති මේ බිස්කට් වර්ණයෙන් ලස්සන වගේම, සුදු පැහැති සමකට වඩා ප්‍රයෝජන බොහෝමයක් තිබෙනවා.

එය අපටම ආවේණික වර්ණයක්. අපේ සමේ තියන මෙලනින් වර්ණයේ අඩුවැඩි වීම මත එය වෙනස් වෙනවා. නමුත් එහි ප්‍රධානම වාසිය වන්නේ හිරු එළියෙන් අපට විශේෂ ආරක්ෂාවක් සැලසීමයි. මේ වර්ණය නිසා හිරු එළියෙන් ස්වභාවිකව ආරක්ෂාවක් හිමිවෙනවා. නමුත් විදේශ රටවල සුදු සමක් තිබෙන අයට මේ ආරක්ෂාව ඇතිවෙන්නේ නැත. එය ඔවුන්ට විශාල අපහසුතාවයක්. ‘

ඒ නිසා ඔවුන්ගේ සමට අපේ සමට වඩා වැඩියෙන් ව්‍යාකූලතා ඇතිවෙනවා. ඒ නිසා ඔවුන් සමේ පැහැය දුඹුරු පැහැයට ගන්න හිරු එළියට වෙලා වැඩිපුර කාලයක් ගතකරනවා. ඒ වගේම හිරු එළිය ලැබෙන රටවලට ඔවුන් ඉතා ප්‍රියකරනවා. නමුත් විදේශිකයෝ අපේ සමේ වර්ණයට ඇලුම් කරද්දි අපේ අය සුදු වෙන්න උත්සහ දැරීම දැන් රැල්ලක් වී තිබෙනවා.

ආලේපන තේරීමේදී ප්‍රමිතියෙන් උසස් ආලේපන තෝරා ගන්න සම පැහැපත් වීම ලෙස හදුන්වන්නේ තමන්ගේ සමේ වර්ණය වෙනස්ම වර්ණයකට හරවාගැනීම නෙවෙයි. මේ උත්සහය නිසා සමහර යුවතියන්ගේ මුහුණ එක් වර්ණයක්. අතපය වෙනත් වර්ණයක් දකින්න පු`ඵවන්. එය කෘතීම ආලේපනයක් නිසා ඇතිවු පැහැයක් ලෙස හොඳින් හඳුනා ගන්නද පුළුවන්. බොහෝවිට එය ගැහැණු ළමයෙකුගේ පෞරුෂත්වය කෙරෙහිද බලපානවා. ඒ නිසා සම සුදු කරගන්න ආලේපන තෝරනවිට ඒ පිළිබඳ හොඳ දැනුමක් ඇතිකරගෙන සිටීම වැදගත්.

සම ඔපවත් කරගන්න, පෝෂණය වැඩි කරගන්න ප්‍රමිති සහගත ආලේපන ලෝකයේ ඕනෑ තරම් තිබෙනවා. ආලේපන පමණක් නෙවෙයි එන්තත් වර්ග, සැත්කම් වර්ගත් තිබෙනවා. ඒවායේ මිළ ඉතාමත් ඉහළයි. හොඳ ප්‍රමිතියෙන් උසස් ආලේපන වර්ගත් එහෙමයි. ඒවා අඩු මිළට ලබාගන්න බැහැ.

නමුත් ඇතැම් මාධ්‍යජාල තුළින් දවස් කිහිපයකින් සතියකින්, සම පැහැපත් වෙන්න ආලේප කරන උසස් නිශ්පාදන ලෙස ඔන්ලයින් ඔස්සේ විවිධ නිශ්පාදන අලෙවි කරනවා. සම සුදුකරගන්න තිබෙන සිහිනය නිසා කාන්තාවන් හුඟක් දෙනෙක් මෙවැනි නිශ්පාදන මිළදී ගනු ලබනවා. මෙය ඉතාම භයානකයි. මොකද එම භාණ්ඩ වෙනුවෙන් වගකීමක් ගන්න ආයතනයක් නැහැ.

ඒවාට යොදා තිබෙන අමුද්‍රව්‍යන්වල නිවැරදි තාවය පිළිබඳවද දැනුමක් නැහැ. සමහර වෙබ් පිටුවල තොරතුරු සත්‍ය ඒවාද නෙවෙයි. ඒ නිසා ඕනෑම ආලේපනයක් මිළදී ගැනීමේදී එහි ප්‍රමිතිය සහ වගකීම පිළිබඳ කිහිපවතාවක්ම සොයාබැලීම වැදගත්. විශේෂයෙන් අප භාවිතා කරන ආලේපනයේ රසායනික සංයුතිය පිළිබඳ දැනගැනීම වැදගත්. මේවන විට ආලේපන සඳහා පවතින ඉල්ලුමත් සමඟ වෙළඳපොළට විවිධ ආලේපන වර්ග ඇවිත් තිබෙනවා. ඒ නිසාම ඒ අතර ප්‍රමිතියෙන් උසස් තත්වයේ ඇති භාණ්ඩ වලට සමානව සොයාගැනීමටවත් නොහැකිවන සේ ව්‍යාජ නිශ්පාදනයන්ද තිබෙනවා. නමුත් දැන් තාක්ෂණය දියුණුයි. ඕනෑම කෙනෙක් ලඟ ස්මාට් දුරකතනයක් තියනවා. ඒ තුලින් නිශ්පාදන ගැන තොරතුරු සොයා බලන්න පු`ඵවන්. තමන් භාවිතා කරන නිශ්පාදනය ව්‍යාජ නොවන එකක් බව දැනගන්නේ කොහොමද? යන්න එම නිශ්පාදනය පිළිබඳ තොරතුරු සොයන්න පු`ඵවනි. බොහෝ නිශ්පාදනයන්ගේ බාර්කොඩ් එකක් අන්තරගත නිසා එයින්ද සත්‍ය තොරතුරු සොයා බලන්න පහසු වෙනවා. ඒ වගේම සම සුදු කරගන්න භාවිතා කරන ප්‍රමිතියෙන් තොර ආලේපන වලින් ඉතා කෙටි කලකින් ප්‍රථිපල ලැබුණත් එයින් දිගුකාලීනව සමට සිදුවන හානිය සුලුපටු නැහැ. සමහර විට නිරෝගීව තිබුණ ඔබේ සමට මේ නිශ්පාදනවල තිබෙන රසායනික ද්‍රව්‍ය නිසා හානි සිදුවීමට පුළුවන්. සම ඉක්මනින්ම වියපත් වීමට පුළුවන් වගේම සම මතුපිටත් ඇතුළත ඉන්ද්‍රියන් තුළටත් හදුනා නොගත් රෝගී තත්වයන් ඇතිවීමේ ඉඩකඩ පවතිනවා. මොකද උසස් තත්වයකින් තොර ආලේපන සඳහා එකතුකරන සංගටක වල ගුණාත්මක බව අපි නොදන්න නිසා. සම කියන්නේ සිරුරේ නිරෝගීව තබාගත යුතු ප්‍රධානතම ඉන්ද්‍රියක් වන නිසාම දිගුකාලිනව ලස්සනට නිරෝගීව ඉන්න කැමති යුවතියන් ඒ සඳහා ආලේපන තෝරා ගැනීමේදී මොනතරම් අවධානයක් දියයුතුද යන්න ඔබට වැටහෙනවා ඇති.

අදහස් දැක්වීම ප්ලාස්ටික් ශෛල්‍ය විශේෂඥ වෛද්‍ය තුෂාන් බෙනරගම

(නයනා උදයංගනී)

 



අදහස් (0)

සම සුදු කරගන්න රැල්ලට ඔබත් හසුවෙලාද?

ඔබේ අදහස් එවන්න

දියත

පළාත් කීපයකට වැස්සේ සුළු වැඩි වීමක්
2024 අප්‍රේල් මස 15 58 0

දිවයිනේ නැගෙනහිර,ඌව සහ දකුණු පළාත්වල වැසි තත්වය තාවකාලිකව වැඩි වීමක් බලාපොරොත්තු වන බව කාලගුන විද්‍යා දෙපාර්තමේන්තුව කියයි.


ගමේ ගිය අයට කොළඹ ඒන්න විශේෂ දුම්රිය
2024 අප්‍රේල් මස 15 66 0

අළුත් අවුරුද්දට ගමේ ගිය ජනතාවට යලි කොළඹට එන්න විශේෂ දුම්රිය සේවා අද (15) ක්‍රියාත්මක කෙරෙන බව දුම්රිය දෙපාර්තමෙන්තුව පවසයි.


’’යළි පහර දුනහොත් බලාගෙනයි’’
2024 අප්‍රේල් මස 14 3803 0

ඉරානයට නැවත වරක් පහර දීමට ඊශ්‍රායලයට ඇමෙරිකාව සහාය ලබාදුනහොත් කලාපයේ තිබෙන ඇමෙරිකානු හමුදා කඳවුරු ඉලක්ක කරමින් ප්‍රහාර එල්ල කරන බව ඉරාන ආරක්ෂක හමුදා


ලෝක නායකයෝ ඉරාන මිසයිල ප්‍රහාරය හෙළා දකිති
2024 අප්‍රේල් මස 14 1966 0

ඉරානය සහ ඉරාකයේත් යේමනයේත් සිටින ඉරාන හිතවාදී සටන්කාමීන් පසුගිය 14 වැනිදා ඊශ්‍රායලයට මිසයිල සහ නියමුවන් රහිත ඩ්‍රෝන යානා 300 ක් යොදා ගනිමින් කළ ප්‍රහාරය


හයිවේ එකෙන් කෝටි 4කට වැඩි ආදායමක්
2024 අප්‍රේල් මස 14 732 0

අධිවේගී මාර්ග වල රථවාහන ධාවනය කිරීම සියයට 10 කින් පමණ ඉහළගොස් ඇතිබව අධිවේගී මාර්ග මෙහෙයුම් සහ නඩත්තු ඒකකයේ අධ්‍යක්ෂ ආර්.අයි.ඩී.කහටපිටිය මහතා පැවසීය.


නිධන් හාරන්න ගිය 6ක් මාට්ටු
2024 අප්‍රේල් මස 14 600 0

දමන තොට්ටම පුරාණ අරියාකර රජ මහා විහාර භූමියේ ගල් තලාවක පුරාවස්තු සෙවීමේ අරමුණින් කැණීම් කරමින් සිටි පුද්ගලයන් 06 දෙනෙකු සහ පුරාවස්තු සෙවීමට උපයෝගි


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 126 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1381 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1322 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site