(අමිල සම්පත් ශ්රී, රංජිත් එස්. ඩයමන් සහ එම්.කේ.නන්දසේන)
මිතුරන් සමග මත්පැන් පානය කරමින් සිටියදී පුද්ගලයා අතුරුදන් වූ අවිවාහයකයාගේ සිරුරු අද තිස්සමහාරාම වීරවිල වැවේ පාවෙමින් තිබියදී සොයාගත් බව පොලිසිය කියයි.
වයස අවුරුදු 45ක් වන රංග සුරාජ් නමැති තම බාල සහෝදරයා අතුරුදහන් වී ඇතැයි කියමින් ඔහුගේ වැඩිමහල් සොහොයුරු පසුගිය 12 වැනිදා උදෑසන පැමිණිල්ලක් සිදුකර ඇතැයි වීරවිල පොලිසිය කියයි.
මිතුරන් 6 දෙනෙකු සමග මත් පැන් පානය කරමින් සිටි ඔහු පසුදා වනතුරුම නිවෙසට නොපැමිණීම සම්බන්ධයෙන් වීරවිල වැව ප්රදේශයේ සෝදිසි කරද්දී ඔහුගේ යතුරුපැදිය සහ පාවහන් යුගල පමණක් ඇති බව දැක මියගිය අයගේ සහෝදරයා ඒ පිළිබඳ පැමිණිල්ලක් සිදුකළ බව පොලිසිය කියයි.
නාවික හමුදාවේ කිමිදුම් කණ්ඩායම් ඊයේ (13) වැනිදා වීරවිල වැව් බැම්ම ආසන්නයේ පරීක්ෂා කළ ද කිසිදු තොරතුරක් සොයා ගැනීමට නොහැකි වී තිබුණ අතර අද (14) වැනිදා අලුයම හතරට පමණ වැවේ පිටවානට ආසන්නයේම ඔහුගේ මළ සිරුර තිබූ බව ගම්වාසීන් දැක පොලිසියට දැනුම් දී ඇත.
මෙම පුද්ගලයාගේ මරණය සැක සහිත බව ඥාතීන් පැවසීම නිසා වීරවිල පොලීසිය පරීක්ෂණ ආරම්භ කළේය. ඒ අනුව ඔහුගේ නිවසේ ඉදිරිපිට ගොඩනැගිල්ලට සවිකර ඇති ආරක්ෂක කැමරා පරීක්ෂා කිරීමේදී වෑන් රථයකින් දොළෙස් වැනිදා සවස හතරට පමණ මිතුරන් පැමිණ ඔහු නිවෙසින් රැගෙන ගොස් ඇති දර්ශන සහ එදින රාත්රී 8.20 ට පමණ එම කණ්ඩායම මරණකරු නොමැතිව ඔහුගේ නිවෙසට පැමිණෙන ආකාරයද සටහන්ව තිබූ බව පොලිසිය කළ මූලික පරීක්ෂණවලින් හෙළිවී ඇත.
පිරිස අතර සිටි පුද්ගලයකු අත රෙදි බෑගයක් තිබූ බවත් රථයෙන් බැස ඒ පරීක්ෂා කරන ආකාරය කැමරාවේ සටහන්ව තිබූ නිසා පොලිසිය ඒ සම්බන්ධව කළ පරීක්ෂණයේදී මියගිය පුද්ගලයාගේ සරම සහ කමිසය එම බෑගයේ දමා ගෙනැවිත් ඇති බවට හෙළිවූ බව පොලිසිය කියයි.
එම බෑගය රැගෙන මරණකරුගේ නිවෙසේ නවතා තිබූ යතුරුපැදියෙන් එක් අයකු පලා යන ආකාරයත් සෙසු පුද්ගලයන් වෑන් රථයක නැගී යන ආකාරයත් එම කැමරාවේ සටහන්ව තිබූ බව පොලිසිය කියයි.
මෙම සිද්ධිය සම්බන්ධයෙන් කළ විමර්ශනවලින් පසු හතර දෙනෙකු මිරිස්ස ප්රදේශයේදී අත්අඩංගුවට ගැනීමට හැකි වී ඇති අතර ඉන් දෙදෙනෙකු මේ වන විට මුහුදු රස්සාවට ගොස් ඇති බවට පොලිසියට තොරතුරු අනාවරණය වී තිබේ. අනෙක් සැකකරු සොයා මේ වන විට වීරවිල පොලිසිය පරීක්ෂණ ආරම්භ කොට තිබේ.
(ඡායාරූප: අමිල සම්පත්)
.
ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී
ශ්රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්රසිද්ධය. රට තු
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී සිය දීප ව්යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
වීරවිල වැවේ පා වූ රංග ගිලුණාද? ගිල්ලුවාද?
leel gunawardena Friday, 15 October 2021 01:23 AM
බොරුව ඇත්ත වෙන්නේ නැහැ කවදාවත් ,අපරාදේ මනුස්ස ජීවිත