(අමිල චින්තක ගමගේ)

වෙළෙදපොළේ සුළභව විකිණෙන එකම හාල් ව ර් ගය කීරී සම්බා පමණක් බවත් රතු කැකුලු හාල් ඇටයක්වත් වෙළෙදපොළේ සොයා ගැනීමට නැතැයි පිටකොටුව සහ නාරාහේන්පිට සහල් තොග සහ සිල්ලර වෙළෙන්දෝ අප කළ සොයා බැලීම්දී අද අනාවරණය කළහ.

දැන් සති ගණනක සිට රතු සහ සුදු කැකුලු හාල් හිගය පවතින බවත් මේ නිසා වෙළෙදාම් කටයුතු දිනෙන් දින පහළ බසිමින් යන බවත් එම වෙළෙන්දෝ පැවසූහ.

කීරී සම්බා මිලදී ගැනීමට ජනතාවගේ යම් උනන්දුවක් ඇති වී තිබුණත් මිල වැඩිනිසා ජනතාව එම සහල් මිලදී ගන්නේ සුළු වශයෙන් බවද ඔවුහු කීහ.

පසුගිය කාලයේ රටින් ආනයනය කළ සහල් මිලදී ගැනීමට ජනතාවගේ එතරම් උනන්දුවක් නැති බවද ජනතාව ආනයනික සහල් මිලදී ගන්නේ අකමැත්තෙන් බවද වෙළෙන්දෝ කීහ.

ඇතැම් පාරිභෝගිකයන් රතු කැකුලු සොයාගෙන පැමිණ සහල් හංගාගෙන සිටිනවායැයි සැක කර රණ්ඩුවට පැමිණෙන බවද ඹවුහු පැවසූහ.

රතු කැකුලු සෙවීම අද කලුනික සොයනවාටත් වඩා අමාරු කටයුත්තක් වී ඇතැයිද පිටකොටුවේ වෙළෙදන්දෝ අප සමග ප්‍රකාශ කළහ.