( ඉන්දිකා රාමනායක,බිමල් ශ්‍යාමන් ජයසිංහ සහ රේඛා තරංගනී ෆොන්සේකා)

නිරෝධායන නීති  උල්ලංඝනය  කරමින්  රජයේ නිලධාරීන්ගේ රාජකාරීයට බාධා කිරීම සම්බන්ධයෙන්  මොරටුව නගරාධිපති සමන්ලාල්   ප්‍රනාන්දු මහතා අද(28)  අත්අඩංගුවට ගත් බව පොලිස් මාධ්‍ය ප්‍රකාශක අජිත් රෝහණ මහතා පවසයි.

මොරටුව මෝල්පේ සහ මොරටුමුල්ල උතුර ග්‍රාමසේවා වසම් සඳහා සයිනොෆාම් එන්නත ලබා දීමට ගිය වෛද්‍යවරියකට බැන තර්ජනය කිරීමේ සිද්ධියක් සම්බන්ධයෙන්  ඔහුට චෝදනා එල්ල වී තිබිණි.

 ඒ සම්බන්ධව  මොරටුමුල්ල පොලිසියට ලැබුණු පැමිණිල්ලකට අනුව පොලිස් කණ්ඩායමක් අද ඔහු අත්අඩංගුවට ගැනීමට සූදානම් වූ අවස්ථාවේදී ඔහු  ගල්කිස්ස පොලසීසියට බාර වීමෙන් අනතුරව මෙලෙස අත්අඩංගුවට ගත් බව පොලිස් මාධ්‍ය ප්‍රකාශකවරයා සඳහන් කළේය.
  මොහු අද අධිකරණයට ඉදිරිපත් කිරීමට නියමිතය.