(ඉන්දිකා රාමනායක)

ත්‍රිකුණාමලය කින්නියා  කුරිඤ්ඤකර්නි   කලපුවේ පාරුවක්   පෙරළීමෙන්  මිය ගිය 6 දෙනා අතර   එකම පවුලේ මව සහ  දරුවන් දෙදෙනාත්, තවත් පවුලක වැඩිමහල් දරුවන් දෙදෙනාත් සිටින බවට තහවුරු වී ඇති බව පොලිස් මාධ්‍ය ප්‍රකාශක  ජ්‍යෙෂ්ඨ   පොලිස් අධිකාරි නීතිඥ  නිහාල් තල්දූව මහතා පවසයි.

 මිය ගිය  එක පවුලක  මව (30), දියණිය (6) සහ පුතා (3 1/2) සිටි බවද හෙතෙම කීය.  සෙසු පවුලේ වැඩිමහල් සොහොයුරින් දෙදෙනකු සිටින බවද හෙතෙම කීය.  මෙම සිද්ධියෙන්  6 දෙනෙකු මියගොස් තවත් 20 දෙනෙකු තුවාල ලබා ඇති බවත්,  හෙතෙම කීය.

සිද්ධියෙන් තුවාල ලැබු 20 දෙනා අතර 19 දෙනෙකු කින්නියා රෝහලේ ප්‍රතිකාර ලබන බවත්,  එම පිරිස අතර ගැහැණු දරුවන්  5 දෙනෙකු හා පිරිමි ළමුන් 6 දෙනෙකු සිටින බවත් , සෙසු පිරිස අතර වැඩිහිටි පිරිමි පුද්ගලයන්  4 දෙනෙකු හා කාන්තාවන් 4 දෙනෙකු සිටින බවද  හෙතෙම කීය.

 වයස අව්රුදු 6 ක දැරියක්  ත්‍රිකුණාමලය රෝහලේ දැඩි සත්කාර ඒකකයේ  ප්‍රතිකාර ලබන බවද පොලිස් මාධ්‍ය ප්‍රකාශතවරයා වැඩිදුරටත් කීය. අනතුරට ලක් වු පිරිස බේරා ගැනීම සදහා නාවික හමුදාව හා පොලිසිය සිදුකළ මෙහෙයුම් අවසන් කර ඇත.