(සුජිත් හේවාජුලිගේ)
පාර්ලිමේන්තුවේ ඉහළ නිලයකට උසස් කෙරුණු නිලධාරිනියක එම උසස්වීමදී පැය 24ක් යන්නටත් පෙර ඉන් ඉවත් කිරීමේ සිද්ධියක් වාර්තාවේ.
ඇයගේ අංශයේ දෙවැනි නිලයට පත් කෙරුණු නිලධාරියාගේ නිවෙසට ගොස් ඔහුට විවිධ බලපෑම් කරන ලදැයි කියන සිද්ධියක් පදනම් කරගෙන ඇය එම තනතුරින් මෙසේ ඉවත් කර ඇත.
බලපෑමට ලක් වූ නිලධාරියා ඒ සම්බන්ධයෙන් පාර්ලිමේන්තු මහ ලේකම් නීතිඥ කුෂානි රෝහණදීර මහත්මියට දැනුම් දීමෙන් පසු ඇය මෙම පියවර ගෙන ඇත.
දෙවෙනි නිලයට උසස් කෙරුණු පුද්ගලයා සම්බන්ධයෙන් පෙර කී නිලධාරිනිය නොසතුටට පත්ව සිට ඇති අතර එම නිලධාරියාගේ නිවසට ඉකුත් සෙනසුරාදා ගොස් ඇති මෙම නිලධාරිනිය " තවත් අය ඉද්දි ඔයා කොහොමද මේ තනතුරට එන්නේ" යනාදී පවසා දෝෂාරෝපණය කර ඇතැයි දැනගන්නට ඇත.
COMMENTS
තනතුරෙන් නොවෙයි සේවයෙන්ම පහකිරීමට කටයුතු කරන්න ඕන ඇත්තටම පාර්ලිමේන්තුවේ තනතුරු සදහා විවෘත විභාග පවත්වා රජයේ තනතුරු සදහා බදවා ගන්න ක්රමයට බදවා ගැනීමේ පරිපාටි සකසා සුදුස්සෝ බදවා ගැනීම කලොත් ඔහොම දේවල් නොවේවි
මැති ඇමතිවරුන් ගේ ඌෂ්ණය ගැහුවම ඒ වගේ දේවල් වෙනව. රාජ්ය සේවකයන් හැටියට ඔය මහන්තත්තකම පැත්තට දාල සහයෝගයෙන් වැඩ කරන්න පුළුවන් වෙන්න ඕන .
දෙවන නිලධාරියා පළමු නිලධාරියාට වඩා බොහෝ නිවැරදි ය. ඉහත කී තනතුරට ඔහු වඩාත් සුදුසුය.
පාර්ලිමන්ට් ජෝක්ස් කියන්නේ මේවාට වෙන්නැති
ඉතාමත් හොඳ වැඩක්, ඒ වගේම මෙවැනි නීති රජයේ සෑම සේවකයකුටම එක හා සමාන අයුරින් ක්රියාත්මක වේවා...මෙවැනි නීති-රීති පාර්ලිමේන්තුවේ මැති-ඇමති වරුන්ට කවදා ක්රියාත්මක වේදැයි නොදනිමි... අමතකවුනා, ඇයි හිටපු ක්රීඩා ඇමතිට සුටුස් ගාල ක්රියාත්මක වුණේ, හා නැද්ද ???
මැය ඒ තනතුරේ සිටියානම් අනිත් නිලදාරීන්ට කොහොම සලකාවිද කියා අපිට හිතා ගන්න පුළුවන්. මේ නියම ගැහැණු. එකමිටට අසුවෙන හැඳිමිටේ දිග නුවණ ඇති ගැහැණු.
ඕක තනිකරම මහා ලේකම්තුමියගේ පළි ගැනීමක්. ඔය තනතුර අධ්යක්ෂ පරිපාලන දෙන්න තිබුනේ පසුගිය අවුරුද්දේ නොවැම්බර් මාසේ. දෙන්නේ නැතුව ඇදලා අන්තිමට දීල කරපු වැඩේ. ඔය මහා ලේකම් තුමිය ඔය අදාළ නිලධාරිනිය යටතේ මීට අවුරුදු ගානකට පෙර වැඩ කලේ. ඒ කාලේ උන රාජකාරී මට්ටමේ අවවාදයකට පළි ගැනීමක්. කොහොමත් ඔය මහා ලේකම් තුමිය හිතවත් කමට උසස් වීම් දෙන බව තමයි ආරංචිය. කතානායක තුමා මේ ගැන වහා සොයා බැලිය යුතුයි. අපට අපේ කටයුතු වලදී නම් ඔය නිලධාරීන් දෙදෙනාම අපට සුහදයි. නමුත් මහා ලේකම්තුමියට ඔවැනි දේ කිරීමට ඉඩ නොතබෝය යුතුයි.