2025 නොවැම්බර් මස 22 වන සෙනසුරාදා
(සුජිත් හේවාජුලිගේ )
අගහිඟකම් ඇති විශ්‍රාමික පාර්ලිමේන්තු මන්ත්‍රීවරුන් වෙනුවෙන් කරුණා සහගත දීමනාවක් ගෙවීමට රජයේ අවධානය යොමුවී ඇත.
අගහිඟකම් දැනුම් දෙමින් ඉල්ලීම් කරන මන්ත්‍රීවරුන් වෙනුවෙන් මෙලෙස දීමනාවක් ගෙවීමට අදහස් කරන බව රජයේ ආරංචි මාර්ග සඳහන් කළේය.
විශ්‍රාමික පාර්ලිමේන්තු මන්ත්‍රීවරුන් වෙනුවෙන් විදේශයන්හි ලබා දෙන වරප්‍රසාද හෝ පහසුකම් මොනවාද යන්න ගැනද රජය අවධානය යොමු කර ඇත.
මන්ත්‍රීවරුන්ගේ විශ්‍රාම වැටුප අහෝසි කිරීමේ පනත් කෙටුම්පත පාර්ලිමේන්තුවට නුදුරේදී ඉදිරිපත් කිරීමට නියමිතය. එම පනත් කෙටුම්පත පාර්ලිමේන්තුවට ඉදිරිපත් කිරීමට කැබිනට් මණ්ඩලයේද අනුමැතිය පසුගියදා ලැබිණ.
පාර්ලිමේන්තු මන්ත්‍රීවරුන් සහ පාර්ලිමේන්තු මන්ත්‍රීවරුන්ගේ කලත්‍රයන්( බිරිඳ හෝ සැමියා) 512 දෙනකුගේ විශ්‍රාම වැටුප, විශ්‍රාම වැටුප අහිමි කිරීමේ පනත් කෙටුම්පත සම්මතවීමෙන් පසුව අහෝසි වී යනු ඇත.
2025 නොවැම්බර් මස 21
33
0
ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක
2025 නොවැම්බර් මස 17
146
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
993
0
2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
පැන්ෂන් මන්ත්‍රීලාට ’’කරුණා දීමනාවක්’’
Pankumburage Saturday, 22 November 2025 12:18 PM
කරුණා දීමනාව පැන්ෂන් එකට වඩා වැඩිවෙයිද දන්නේ නැහැ.
ravin Saturday, 22 November 2025 12:53 PM
හොදට හොයලා නිසි විමර්ශණයකින් පසු පමණක් දීමනා ලබා දෙන්න. නැතිනම් පරම්පරා ගණනකට යටිමඩි ගහලා බොරුවට අහිංසක බව පෙන්නාවි.
Fairoos Saturday, 22 November 2025 01:26 PM
වාල් ඩිසන්ත, හාවගේ, යටත් විජිත, පච කොටා වගේ අයත් මේකට කවදා හරි දවසක් අයිති වෙයි.
චින්තක Saturday, 22 November 2025 01:32 PM
දුන් පොරොන්දුවක් ඉටු කිරීම ගැන සතුටුයි. නමුත් මොකටද වෙනත් කරුණාවෙන් ලබාදෙන්න යන දීමනාව නැවැත්තුවා නම් නැවැත්තුවා එච්චරයි...
Toni Saturday, 22 November 2025 02:19 PM
චින්තක, කොහේද පොරොන්දු ඉටු කළේ...? ඊයේද ඉපදුනේ...?
Damith Saturday, 22 November 2025 02:41 PM
චින්තක පුවක්දණ්ඩාවේ සනා වෙන්නත් බැරි නෑ.
Samith Saturday, 22 November 2025 02:48 PM
මොවුන් ටික කෙහෙල්කනුත් අරගෙන. අන්තිමට පෙන්ෂන් එක වෙනුවට වෙන එකකුත් සෙට් කරගෙන ගෙදර යන්න වගේ හදන්නේ.
Wanidu Saturday, 22 November 2025 02:49 PM
ඉක්මණටම ගෙදර යන්න වෙන බව දැනගෙන පෙන්ෂන් එක හදාගන්න යන්නේ...
Jagath Saturday, 22 November 2025 02:53 PM
ඕක අමුතුවෙන් අධ්‍යයනය කරන්න ඕනි නැ. පාර්ලිමේන්තු මන්ත්‍රීවරුත් රජයේ සේවකයෝ වගේ විශ්‍රාම ක්‍රමයට ගන්න. ඊට පස්සේ ඔවුන් එකට ගෙවන කාලයට සාපේක්ෂව (අවුරුදු 10 වගේ අඩුම කාලයකට යටත්ව) ඔවුන්ට විශ්‍රාම දීමනාව දෙන්න. උදාහරණයකට අවුරුදු 30-40 ගෙවන කෙනෙකුට උපරිම විශ්‍රාම වැටුපක් ලැබෙනවා, අවුරුදු 10ක් වගේ ගෙවපු කෙනෙකුට උපරිමය ගන්න කෙනෙක්ගේ 20-30% වගේ ලැබෙනවා. එහෙම නැතුව පිනට විශ්‍රාම දීමනාවක් කාටවත් දෙන්න ඕනි නැහැ.
රනේ Saturday, 22 November 2025 02:58 PM
කියන දේ කරන මෙම රජය බුද්ධිමත්ව සහ කල්පනාකාරීව ඉතා ඕනෑකමින් සිය පරිණත භාවය ප්‍රදර්ශණය කරමින් රටේ ඉදිරි ගමන යන බව අපිට පෙනෙන්නට තිබේ. ඒ කොතරම්ද කියනවා නම් විපක්ෂ දේශපාලනයක් දැන් මේ රටේ නැති තරම්ය. කට වචාලකමට දොඩවන කිහිප දෙනෙකු සිටියත් ඔවුන්ට රැවටෙන ජනතාවක් නම් තවත් නැත.
Kule Saturday, 22 November 2025 03:02 PM
මන්ත්‍රී හෝ ඇමැති වී සිටියදී ත්‍රස්තවාදී ක්‍රියා නිසා මිය ගිය යැපෙන්නන්ට දීමනාවක් ගෙවිය යුතුයි. අරගලයේදී මරාදාපු පාර්ලිමේන්තු මන්ත්‍රීවරු වගේ අයගේ බිරින්දෑවරුන්ට...
de silva Saturday, 22 November 2025 04:20 PM
හැම දෙයකම සාධාරණයක් තිබෙන්න ඕනේ, පුද්ගලික අන්ශේ සේවකයාටත් EPF / ETF තිබෙන විට මන්ත්රිලට මුකුත්ම නැතිවෙන එක අසාධාරණයක්, මන්ත්රිලාට විශ්‍රාම වැටුප් ගෙවපු ක්‍රමය පැරණි ක්‍රමයට මමත් විරුද්ධයි... නමුත් මේකට විසදුම මන්ත්‍රී වැටුප සම්පුර්ණයෙන් කපා හරින එක නොවේ කරුණාකර ඉදිරියට මාසික වැටුපට අධාල EPF/ETF එක රජය මගින් මන්ත්රිලාගේ නමට සේවක අර්ථසාධක අරමුදලට ගෙවන්න , ගෙවන්න , එතකොට මේ ප්‍රශ්නේ විසදෙනවා , නැතිනම් වෙන්නේ කවදා හරි වෙන ආණ්ඩුවක් පැමිණි දිනෙක දේශපාලන පාලි ගැනීම් කියල හැමෝම ඇරියස් එකත් එක්ක පැන්ෂන් එක හදාගනිවී...
R.T.sarath Saturday, 22 November 2025 04:24 PM
අපි වැටුප් ගන්නේ නැහැ කියල අවේ නමුත් වැටුප පැලවත්තේ එකවුන්ට් එකට යනවා , සුවසැරියටත් අලුත් නමක් දමන්න හැදුවේ , ඉන්දියාවේ බලපෑම මත එකත් අකුලා ගන්න සිදු වුණු මන්ත්‍රී විශ්‍රාම වැටුප තහනම් කරලා එකටත් මන්ත්‍රී වැඩිහිටි දීමනාව කියලා මොකක් හරි කරාවිද දන්නේ නැහැ.