(විනීතා එම්. ගමගේ)
නිවුණු සැනසුණු සමාජයක් දැකීමට අග්ගමහා පණ්ඩිත දොඩම්පහල චන්දසිරි  මහනායක ස්වාමින් වහන්සේ කළ දීර්ඝ කැප කිරීම සමස්ත බෞද්ධ ලෝකයේම ආශිර්වාදයට ලක්වන බව ජනාධිපති ගෝඨාභය රාජපක්ෂ මහතා ප්‍රකාශ කළේය.
අමරපුර මහ නිකායේ උත්තරීතර මහනායක ධූරය සඳහා චන්දසිරි නාහිමියෝ සියලු සුදුසුකම් සපුරා සිටින්නේ යැයි ද රාජපක්ෂ මහතා පැවැසීය.
 “සම්බුද්ධ සාසනයටත් ලෝකවාසි ජනතාවටත් අමරපුර මහා සංඝ සභාවේ උත්තරීතර මහ නාහිමිපාණන් වහන්සේ කර ඇති විසල් මෙහෙවර අමරණීයයි.  
උන්වහන්සේ දේශ දේශාන්තර වල වැඩම කරමින්, උතුම් සම්බුද්ධ දේශනාව, ථේරවාදී සම්ප්‍රදාය අනුව ජනතා හිතසුව පිණිස දේශනා කළා. චන්දසිරි නාහිමියෝ මේ පදවියට පත්වන්නේ, අමරපුර නිකායේ අනාගත යුග මෙහෙවරහෙි, විශාල වගකීම් සම්භාරයක් වෙනුවෙනුයි. ජනාධිපතිවරයා මේ අදහස් පළ කළේ, ශ්‍රී ලංකා අමරපුර මහ නිකායේ උත්තරීතර මහ නායක ධූරයෙන් පිදුම් ලැබූ දොඩම්පහල චන්දසිරි මහනායක ස්වාමින් වහන්සේට එකී ධූරය පිළිබඳ අක්ත පත්‍ර ප්‍රදානය කිරීම සඳහා කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ අද(14) පැවති උත්සව සභාවක් අමතමිනි.