(සුජිත් හේවාජුලිගේ සහ  අංජුල මහික වීරරත්න)

පොලිස්පති දේශබන්දු තෙන්නකෝන් මහතා සිය ධුරයේ බලතල  අනිසි ලෙස  භාවිත කරන ලදැයි සඳහන් චෝදනා විමර්ශන කිරීමට පත් කරනු ලැබූ  ත්‍රිපුද්ගල කමිටුවේ විමර්ශන සඳහා සහායවීමට  නීතිපතිවරයා විසින්  අතිරේක සොලිස්ටර් ජනරාල් ජනාධිපති  නීතිඥ  දිලීප පීරිස් සහ නියෝජ්‍ය සොලිස්ටර් ජනරාල් රජිත පෙරේරා යන මහත්වරු නම් කරනු ලැබ සිටිති.

ශ්‍රේෂ්ඨාධිකරණයේ විනිසුරු ප්‍රීති පද්මන් සූරසේන මහතාගේ සභාපතිත්වයෙන් යුතු එම  ත්‍රිපුද්ගල කමිටුව පාර්ලිමේන්තු සංකීර්ණයේදී අද (25) දෙවැනි දිනයටත් රැස්විය.

විමර්ශන  කටයුතු මෙහෙයවිය යුතු ආකාරය සහ අදාළ පාර්ශ්වයන් සම්බන්ධකරගත යුතු ආකාරය පිළිබඳවද  කමිටුවේදී ඊයේ සාකච්ඡා කෙරිණි 

ඉදිරි කටයුතු සම්බන්ධව තීරණ ගැනීම සඳහා කමිටුව ලබන 28 සඳුදා නැවත රැස්වීමටද එහිදී  තීරණය කර ඇත.