(සුජිත් හේවාජුලිගේ සහ අංජුල මහික වීරරත්න)

රණසිංහ ප්‍රේමදාස තමාගේ පියා කරපු හැම දෙයක්ම නිවැරැදි නොවන බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද පැවසීය.

තමා පියා කරපු හැම දෙයක්ම අනුගමනය කරන පුතකු නොවේ යැයිද ඔහු සඳහන් කළේය.

රණසිංහ ප්‍රේමදාස තමාගේ පියා කළ හොඳ දේවල් වැදගත් වැඩසටහන් ඉදිරියට ගෙන යන බව පැවසූ විපක්ෂනායකවරයා අඩුපාඩුකම් බැහැර කරන බවද ප්‍රකාශ කළේය.

සජිත් ප්‍රේමදාස මහතා මෙසේද සඳහන් කළේය.

මම දන්නෙ නෑ ඔබතුමාගේ පුතා ඔබතුමා කරන හැම දෙයක්ම කරනවද කියලා. මම නම් එහෙම කරන්නේ නැහැ. මම ස්වාධීන පුද්ගලයෙක්.මට ස්වාධීන හිතක් ස්වාධීන මනසක් තියනවා. මගේම හදවතක් හෘද හෘදසාක්ෂියක් තියෙනවා. පාසල් දරුවන්ට දිවා ආහාරය දීම රණසිංහ ප්‍රේමදාස දිවංගත මගේ පියා කරපු හොඳ වැඩක්. ඔබතුමා මගේ පියා වෘත්තිය සමිති නායකයන්ට කරපු දෙයක් කිව්වා. ඔබතුමා කියන්නේ එතකොට මමත් යන්න ඕන ඒ පාරේද. ඒකද කියන්නේ.

අගමැති දිනේෂ් ගුණවර්ධන මහතා:

ඔබතුමා කැමති පාරක යන්න. අපිට ප්‍රශ්නයක් නැහැ. මම කියන්නේ හරි පාරේ යන්න කියලයි.