(ඉන්දිකා රාමනායක) තඹුත්තේගම ප්‍රදේශයේ පුද්ගලික බැංකුවක් ඉදිරිපිට දී ව්‍යාපාරිකයකු සතුව තිබූ රුපියල් ලක්ෂ 223 මුදල් කොල්ලකෑමට තැත්කිරීමේ සිද්ධිය සම්බන්ධයෙන් රාජාංගනය ප්‍රාදේශිය සභාවේ පොදු පෙරමුණ නියෝජනය කරන මන්ත්‍රීවරයකු අත්අඩංගුවට ගත් බව පොලිසිය කියයි. සිද්ධිය සම්බන්ධයෙන් අත්අඩංගුවට ගෙන ඇති සැකකරුවන් දෙදෙනාගෙන් හෙළිව ඇති තොරතුරු මත විශේෂ පොලිස් කණ්ඩායමක් විසින් මෙම අත්අඩංගුවට ගැනීම සිදු කර ඇත සිද්ධිය ඊයේ (26) පස්වරුව.2.00 ට පමණ සිදුව ඇති අතර සිද්ධිය සිදුවන අවස්ථාවේ දී ඒ ආසන්නයේ සිටි තඹුත්තේගම පොලිසියේ සැරයන් බුද්ධික කුමාර මහතා එම ස්ථානයට පැමිණ කොල්ලකරුවන් සමඟ පොරබදා කොල්ලය ව්‍යාර්ථ කරගෙන තිබුණි. කොල්ලකෑමට පැමිණි සැකකරුවන් දෙදෙනා ද අත්අඩංගුවට ගෙන තිබූ බව පොලිසිය කියයි.