(ඉන්දිකා රාමනායක)

බොදුබල සේනා සංවිධානයේ නායක ගලගොඩඅත්තේ ඥානසාර හිමියන්ගේ මැදිහත්වීමෙන් පේරාදෙණිය විශ්වවිද්‍යාලයට වයිරස් ප්‍රභේද හඳුනාගැනීමේ යන්ත්‍රයක් මිලදී ගැනීම සඳහා ලක්ෂ 70 ක මුල්‍ය පරිත්‍යාගයක් සිදු කළ බව එම සංවිධානය පවසය.

කොවිඩ් 19 ඩෙල්ටා ප්‍රබේදය රටපුරා පැතිර යාමත් සමගම එම ප්‍රභේදය ඇතුළු නව වයිරස් ප්‍රභේද හඳුනාගත හැකි යන්ත්‍රයක අවශ්‍යතාවය මහනුවර ප්‍රදේශයට ඉතා තදින්ම දැනුන බවත් බුද්ධ ශාසන අමාත්‍යංශයේ ලේකම් මහාචාර්ය කපිල ගුණවර්ධන මහතා  මේ බව බොදු බල සේනා සංවිධානයේ නායක ගලගොඩඅත්තේ ඥානසාර හිමියන්ව දැනුවත් කළ බවද එම සංවිධානය පවසයි.

ඥාණසාර හිමියන්ගේ ඉල්ලීමකට අනුව ඇමරිකාවේ වෙසෙන වෛද්‍ය වෝල්ටර් ජයසිංහ මහතා විසින් මෙම යන්ත්‍රය ලබා ගැනීම සඳහා පේරාදෙණිය විශ්වවිද්‍යාලයට එම මුදල පරිත්‍යාග කරන කළ බවද එම සංවිධානාත්මක සදහන් කරයි.

මෙම අවස්ථාවේදී ආණ්ඩුව කරන තුරුම නොසිට තමන්ට කල හැකි දේ සිදුකිරීමට ඉදිරිපත් වන ලෙසත් මෙම වසංගතයෙන් රටක් වශයෙන් ගොඩ ඒමට සියලු දෙනා එකමුතුව වැඩ කරන ලෙසත් මේ පිළිබඳව අප සිදුකල විමසීමකදී ඥානසාර හිමියෝ අවධාරණය කළහ.