ඇමෙරිකාවේ ගිණිකොනදිග ජනපද කීපයකට ටෝනාඩෝ සුළි කුණාටුවලින් හානි සිදුවිය. ඇමෙරිකන් මාධ්‍ය වාර්තා කළේ මරණ 34 ක් වාර්තා වන බවය. එයින් මරණ 12 ක් වාර්තා වන්නේ මිසෝරි ජනපදයෙන් බව ද පැවැසෙයි.

සුළි කුණාටුවලින් නිවාස ලක්ෂ ගණනකට හානි සිදුවිය. මෝටර් රථ උඩු යටිකුරු විය. ඇමෙරිකන් මාධ්‍ය වාර්තා කළේ මෝටර් රථ 55 කට හානි සිදුවුණු බවය. ටෝනාඩෝ සුළි කුණාටුවලින් බලපෑම් එල්ල වූයේ මිසෝරි, මිචිගන් සහ ඉලිනෝයි ජනපදවලටය.

මේ වනවිට නිවාස 2,50,000 කට විදුලි බලය නොමැති බව පැවැසෙයි. ගස් කඩා වැටීමෙන් මාර්ග බොහොමයක් අවහිර වී ඇතැයි ද වාර්තා වේ.

ටෝනාඩෝ සුළි කුණාටු සමඟ මහ වැසි ඇදහැලුණු බවත්, මේ වනවිට මිසිසිපි, ලුවිසියානා, ටෙනිසි යන ජනපදවල මෙන්ම, ඇලබාමා, ආකන්සාස් යන ජනපදවල නගර සහ පළාත් රැසක ජල ගැලීම් වාර්තා වේ.

(ඒ.එෆ්.පී.)