IMG-LOGO watawala

2024 මැයි මස 21 වන අඟහරුවාදා


කෝටි හයක් ඇදුණු පොල් කඩන්නාට තවත් ලක්ෂ 20ක් ඇදිලා

(ශ්‍රීනාත් ප්‍රසන්න ජයසූරිය)

රුපියල් කෝටි හයක ලොතරැයි ජයග්‍රහණයක් මීට පෙර හිමි කරගෙන තිබූ පොල් කඩා ජීවිකාව ගෙන යන්නකුට පසුගිය සතියේ ද රුපියල් ලක්ෂ විස්සක ලොතරැයි ජයග්‍රහණයක් හිමිවී ඇතැයි ගම්පොළට නුදුරු ගම්මානයකින් වාර්තා විය.

මීට වසර එක හමාරකට පමණ ඉහතදී රුපියල් කෝටි හයක ලොතරැයි ජයග්‍රහණයක් හිමි වුවත් මොහු කුඩා කල සිටම කරගෙන ආ කුලියට පොල් කැඩීම දිගටම කරගෙන ගිය බව මේ සම්බන්ධයෙන් තොරතුරු අනාවරණය කළ එම ප්‍රදේශයේ විශ්‍රාමික රාජ්‍ය නිලධාරියෙක් අද (10) පැවැසීය.

මෙම ජයග්‍රාහී ලොතරැයි පත් දෙකම කුලියට පොල් කඩන පුද්ගලයා මිලදී ගෙන ඇත්තේ එකම අලෙවි නියෝජිතයකුගෙනි.

ලොතරැයි පත් දෙකකින් විශාල මුදල් සම්භාරයක් ජයග්‍රහණයක් ලැබූ මොහු නැසී ගිය අතිශය ජනප්‍රිය සිනමා නළුවකුගේ නමින් හැඳින්වෙන අයෙකි.

නිතිපතාම පාහේ ලොතරැයි පත් මිලදී ගන්නා මෙම පුද්ගලයා එම ලොතරැයි පත් මිලදී ගැනීමට පැමිණෙන්නේ කිසිවකුත් ලොතරැයි අලෙවි නියෝජිතයා ළඟ නොමැති අවස්ථාවක් බලාය.

පැය භාගයකට ආසන්න කාලයක් ලොතරැයි පත් තෝරන මොහු අවසානයේ ලොතරැයි පත් දහයක් පමණ මිලදීගෙන යන බව කියති.

ලොතරැයි දිනුම් ඇදීමෙන් පසු ඒවාට ජයග්‍රහණයක් ලැබී ඇත්දැයි යන්න පරීක්ෂා කර බැලීමට මොහු පැමිණෙන්නේ ද ලොතරැයි පත් මිලදී ගත් අලෙවි නියෝජිතයා ළඟටය.

රුපියල් ලක්ෂ විස්සක මුදලක් ජයග්‍රහණය කර ඇති බව දැනගත්තත් ඔහු සාමාන්‍ය ලෙස එම ස්ථානයෙන් පිටව ගොස් ඇතැයි පැවසේ.

වයෝවෘද්ධ මව සමග කුඩා පැල්පතක ජීවත් වන අවිවාහකයකු වන මොහු මීට පෙර රුපියල් කෝටි හයක මුදලක් ජයග්‍රහණය කළත් සුපුරුදු පරිදිම සාමාන්‍ය ආකාරයට ජීවත් වන බවත් අලුතින් නිවෙසක්වත් ඉදිකරගෙන නොමැති බවත් කියති.

දුර්වර්ණ වී ගිය කොට කලිසමකින් සහ ටී ෂර්ට් එකක් හැඳගෙන පොල් කඩන පිහිය ද රැගෙන හිමිදිරි උදෑසනම නිවෙසින් මෙම කෝටිපති පොල් කඩන්නා පිටව යන්නේ කුලියට පොල් කැඩීම සඳහාය.

කෝටිපතියකු වෙලත් පොල් කඩන්නේ ඇයිදැයි කියා විමසන අවස්ථාවේ ඔහු සිනාසෙනවා මිස එයට පිළිතුරක් ලබා නොදෙන බව ප්‍රදේශවාසීහු කියති.

රුපියල් කෝටි හයක ලොතරැයි ජයග්‍රහණයක් ලැබුණු බව දැනගත් එක්තරා බැංකුවක් ඔහු සොයා පැමිණ කරුණු කාරණා අවබෝධ කර දී එම මුදල පොල් කඩන්නා නමින් ගිණුමක් විවෘත කරදී එහි තැන්පත් කර ඇත.

මීට වසර එක හමාරකට පමණ ඉහතදී මෙම පොල් කඩන්නාට රුපියල් කෝටි හයක ලොතරැයි ජයග්‍රහණයක් හිමිවීමේ පුවත ලංකාදීප පුවත්පතේ මුල් පිටුවේ පළවිය.

 



අදහස් (24)

කෝටි හයක් ඇදුණු පොල් කඩන්නාට තවත් ලක්ෂ 20ක් ඇදිලා

උපාසක Thursday, 11 April 2024 06:54 AM

සැරියුත් මහ රහතන් වහන්සේ වැඩසිටි සමයේ ආහාරයක් අතට ගත්තට වළදන්න නොලැබෙන හාමුදුරු නමක් ඉදලා තියෙනවා උන්වහන්සේ අන්තිමට ආහාරයක් ගත්තා කියන්නෙ පාත්‍රය සැරියුත් මහ රහතන් වහන්සේගේ අතේ තියාගෙන කියලා තමයි කියන්නෙ ඒ පූර්වයේ කරපු පාපකර්මයක් නිසා කියලා තමයි කියන්නෙ ඉතින් මේ කතාව ඇහුවම මට ඒ කතාව මතක් වුනා කොහොම වුනත් මුදල් තැන්පත් කල බැංකුවේ නිළධාරි නැත්නම් කවුරු හෝ මොහුගේ අනාගතය සාර්ථක වෙන්න උදව්වක් කලොත් ලොකු පිනක් කියන්න පුළුවන්

:       0       7

SarasiMonday, 22 April 2024 10:08 PM

අඩු ගණනේ අර අම්මාටවත්, සුව පහසුවට ඉන්න දෙන්න ජීවිතේ ඉතිරි කාලේ.

:       1       3

ගමේ එකෙක් Thursday, 11 April 2024 08:59 AM

පොල් කඩලත් ගන්නේ බොහොම සාධාරණ ගානක්. මනුස්සයාට හරි යනවා.

:       0       5

de silva Thursday, 11 April 2024 09:17 AM

සමහරු කොපමණ ධනස්කන්ධයක් තිබුණත් ඒවා බැංකුවේ දමාගෙන පොලිය දෙස බලාසිටිනවා මිස ඒකෙන් සැප විඳින්නේ නැත...

:       0       4

විමල් Thursday, 11 April 2024 10:06 AM

මුදල්ම ජීවිතය යැයි සිතන ජනසමාජයට එහි ඇති දෙපැත්ත ගැන සිතා බලන්නට වැදගත් හා මහපොළවෙන් ලැබෙන පණිවිඩයක්. සතුටින් සරලව ජීවත් වීමට අතිවිශාල මුදල් ප්‍රමාණයක් අවශ්‍ය නොවන බව හා පමණ ඉක්මවා මුදල් වියදම්කරත් මුදල් හැකියාව තුල පමණක්ම සතුට නොමැති බව. ඒවගේම පින පව යන මූලික ගුණදහම් වල ඇති සහසම්බන්ඳයත් මනාවට මෙහි පෙන්නුම් කරනවා. ස්තුතියි.

:       2       1

Thilan Thursday, 11 April 2024 11:06 AM

සතුට කියන්නෙ එකිනෙකාට සාපේක්ෂ මානසික කරුණක්,සැප පහසුව එකක් සතුට එකක්.මොහු තම වෘත්තීය කිරීමෙන් තෘප්තියක් සහ සතුටක් ලබනවා ඇත.මුදල් වලින්ම සතුට,තෘප්තිය ලබාගත නොහැක.

:       0       2

Nihal Thursday, 11 April 2024 11:50 AM

සැපවත් ජීවිතයක් ගත කරන්න පින තියෙන්න ඕනෑ

:       0       6

Upasaka Thursday, 11 April 2024 02:15 PM

මේ වගේ අයට පින් මදි... තමන්ට ලැබුණු දේ පරිහරණය කරන්න. පෙර භවවල දන් දීලා තියෙනවා. හොඳට... නමුත් අඩුපාඩු ඇතිවයි දන් දීලා තියෙන්නේ... තෝදෙයිය බමුණා වගේ...!

:       0       6

විජිත් Thursday, 11 April 2024 05:50 PM

සුබ පැතුම් !!! එදා ජීවිතය ජිවත් කරන්නට ඔබ හෙලු ලේ කඳුළු ඩහදිය පමණක් නොව සුසුම් වලටත් මිලකළ නොහැකි අගයක් ලැබී ඇත.

:       0       2

පි ජයසිංහ Thursday, 11 April 2024 08:34 PM

කටුස්සගේ කරේ රත්තරන් බැන්දට වැඩක් නැ.

:       1       1

Bamunuarachchi Thursday, 11 April 2024 09:46 PM

දෙන දෙවියෝ ගෙට ගෙනැවිත් දෙනවා. දෙවියෝ ඔබ‍ට වරම් දෙකක් දීලා තිබෙනවා. තුන්වැනි වරම ගැන පරිස්සමින්. වැරැදි විදිහට මුදල් පාවිච්චි කළොත් තිබුණා මොකක්ද එකත් නැතිවෙලා යාවි.... මුදල් හම්බකරනවාට වැඩි දැනුමක් මුදල් වියදම් කරන්න තිබෙන්න ඕනේ....

:       0       2

Vajira Friday, 12 April 2024 12:26 PM

මේ අසරණ මනුස්සයාට පැහැදිලි කරලා දෙන්න මේ මුදල් අවසානයේ රජයට හරි පෞද්ගලික බැංකුවට හරි හිමිවෙන බව. අම්මට හොඳින් සලකා ගෙන සැපසේ ජීවත් වෙන්න උපදෙස් දෙන්න බැංකුවේ ත් වගකීම

:       0       4

YAMUNA Friday, 12 April 2024 08:03 PM

මුදල් සම්බන්ධයෙන් දැනුමක් තේරුමක් නොමැති අයෙක් වෙන්න ඇති...

:       1       11

A.R.Weerasena Saturday, 13 April 2024 05:25 AM

තවත් කෝටි 6ක් ඇදියන්.

:       0       13

අපෝන්සු මධුමලි Saturday, 13 April 2024 09:31 AM

ඒ වගේ කෙනෙකුට ඇදීම ගැන මමත්, මගේ පවුලේ අයත් හදවතින්ම සතුටු වෙනවා... සුබපැතුම්...!

:       1       16

P.. A. V.. S. KUMARASIRI Saturday, 13 April 2024 04:51 PM

හොඳම සාර්ථකත්වය ලැබෙන්නේ බොහෝ අසාර්ථකත්වයන්ගෙන් පසුවය.

:       0       9

Kmj kumararathna Saturday, 13 April 2024 07:02 PM

පව් අහිංසකයා. අපට නැතත් ගොඩක් සතුටුයි. සතුටින් ඉන්න. බුදු සරණයි...!

:       0       12

Samantha Wednesday, 17 April 2024 07:01 AM

සතුටුයි තව තව ලැබෙන්න ඕනේ නිහතමානී මනුස්සයෙක් ❤️

:       0       6

මුතු මැණිකේ Wednesday, 17 April 2024 04:32 PM

සල්ලි කියන්නේ තේරුමක් නැතුව නාස්ති කරන්නවත් තේරුමක් නැතුව පොදි ගහන්නවත් ඕනෑ දෙයක් නෙවෙයි. සල්ලි ලැබිලාත් දුක් විඳිනවා නම් පූර්ව කර්ම තමයි. නැතුව අනේ වාසනාව, යහපත් pol කඩන්නා, නිහතමානී මිනිස්සු කියලා අගය කරන්න ඕනෑ වැඩක් නෙවෙයි..!

:       1       6

Tom Thursday, 18 April 2024 04:34 AM

පාර්ලිමේන්තුවට මෙහි පිටපතක් යවන්න ආදර්ශයට ගන්න . නෑ එපා අහිංසකයාටත් එකතුවෙලා කෙළියි .

:       1       2

PA Ra Thursday, 18 April 2024 11:04 AM

ඔහු මොලය පාවිච්චි කරනවා. ඒ ඔහු වයෝවෘද්ධ වුණාම ඒගැන සිතා... දැන් ඔයා මාව බලාගෙන පරණ පුරුදු ජීවිතය ගත කරනවා වගේම ඔහුගේ ආරක්ෂාව ගැනද හිතනවා.

:       3       0

අනූශා Saturday, 20 April 2024 08:04 AM

පව්.. ඒ මුදලේ ප්‍රමාණයවත් ඒවා වියදම් කරන විදිහවත් ඒ මනුස්සයාට තේරුමක් නැතුව ඇති... ඔය අතරේ ගෑනියෙක් සෙට් වුනොත් ඔක්කෝම කම්මුතුයි... කවුරුහරි ගමේ වැඩිහිටියෙක් ඒ මනුස්සයාගේ විශ්වාසවන්තයෙක් අවංකවම මග පෙන්වනවා නම් තමයි හොඳ... ඒත් ගමේ ඉන්න කෙනා තව කෙනෙක් තමන්ට වඩා දියුණු වෙනවාට කැමැති නෑනේ...

:       0       2

ලයිමා Saturday, 27 April 2024 12:42 PM

පවු අහිංසකයා

:       0       0

අමාරිස් Monday, 29 April 2024 09:58 AM

සල්ලි වියදම් කරල හොද ජීවන තත්වයක් උදාකරගන්ඩත් පින තියෙන්ඩ ඕන.කෝටි ගනන් ලැබිලත් ඔහේ ඉන්නවනම් උෟ මනුස්සයෙක් වෙන්ට බෑ.සල්ලි තිබුනත් යම් ප්‍රමානයකින් හරි වියදම් කරල සරල ජීවිතයක් ගතකරන්ඩත් පින තියෙන්ඩ ඕන දුකයි ඉතින්

:       0       1

ඔබේ අදහස් එවන්න

දියත

ඉරානය හඬවා ජනපති ඊබ්‍රාහිම් නික්ම යයි
2024 මැයි මස 21 927 0

අභාවප්‍රාප්ත වූ ඉරාන ජනාධිපති ඊබ්‍රාහිම් රයිසිගේ තෙදින අවමංගල්‍ය උත්සවය අද (21) ටබ්‍රිස් නගරයේදී එරට වේලාවෙන් උදෑසන 9.30 ට ආරම්භ වූවේය.අවමංගල්‍ය උත්සවය අ


වෙඩි තැබීමකින් අයෙක් රෝහලේ
2024 මැයි මස 21 263 0

පදවිය ඕමාරකඩ ප්‍රදේශයේ දී සිදුවූ වෙඩි තැබීමකින් පාදයට බරපතල තුවාල සිදුවූ පුද්ගලයකු අනුරාධපුර ශික්‍ෂණ රෝහලට ඇතුලත් කර ඇති බවත්, එම වෙඩි තැබීමට සම්බන


ජනපතිවරණය ගැන රනිල්ගෙන් නිල ප්‍රකාශයක්
2024 මැයි මස 21 2366 3

රනිල් වික්‍රමසිංහ මහතා ජනාධිපතිවරණයට තරඟ කරන බවට වන නිල ප්‍රකාශය ජුනි මාසයේදී ප්‍රකාශයට පත් කරන බව කම්කරු හා විදේශ රැකියා අමාත්‍ය මනුෂ නානායක්කාර පැ


පොදු සමාකාලයේදී 15667ක් හමුදාවෙන් ඉවත් වෙලා
2024 මැයි මස 21 231 1

නිත්‍යානුකූලව සේවයෙන් ඉවත් වීමට යුද හමුදා සාමාජිකයින්ට ලබා දී තිබූ මාසයක පොදු සමාකාලය තුළදී එම සමාජිකයන් 15667 දෙනෙක් ඉවත් වූ බව ශ්‍රී ලංකා යුද හමුදාව පව


ඉරාන ජනපති වියෝව ජාත්‍යන්තර තේ උත්සවය අවලංගු කරයි
2024 මැයි මස 21 820 1

ඉරාන ජනපති ඊබ්‍රාහිම් රයිසි මහතාගේ වියෝව නිසා ජාත්‍යන්තර තේ දින උත්සවය අවලංගු කරන්නැයි කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා ශ්‍රී


අපදාවෙන් බේරෙන්න විමසිලිමත් වෙන්න
2024 මැයි මස 21 487 0

පවතින අධික වැසි,සහ සුළං තතත්ත්වය හේතුවෙන් දිවයිනේ බොහෝ ප්‍රදේශවල ගංවතුර අවදානමක් මතුව ඇති අතර ඇතැම් දිස්ත්‍රික්කවල හදිසි අනතුරුද වාර්තා වේ.


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 849 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 2394 1
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 2054 5
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site