Update 4.50 p.m

(ඉන්දිකා රාමනායක සහ අමදෝරු අමරජීව)

කින්නියා   කුරිඤ්ඤන්කේනි කළපුවේ  පාළම් පාරුවක් පෙළී    පාසල් සිසුන් ඇතුලු හය දෙනෙකු මියගොස් තවත්  පුද්ගලයන් 20 දෙනෙකුට තුවාල සිදුවීමේ සිද්ධිය සම්බන්ධයෙන් කින්නියා  නගර සභාවේ සභාපතිවරයා ලබන 09 වැනි දින තෙක් රිමාන්ඩ් බාරයේ තබන්නැයි ත්‍රිකුණාමලය ප්‍රධාන මහේස්ත්‍රාත් අබ්දුල් පයාත් රසාක් මහතා අද සවස නියෝග කළේය.

මෙසේ රිමාන්ඩ් බාරයට පත් කරන ලද්දේ අබ්දුල් හමීඩ් හලීම් නමැති නගර සභාපතිවරයාය

මෙම අනාරක්ෂිත  පාළම් පාරුව  කලපුවා හරහා යාත්‍රාකිරීමට අවසර ලබා දීම ඇතුලු කරුණු කිහිපයක් මත සභාපතිවරයා අත්අඩංගුවට ගත් බව පොලිසිය අධිකරණයට දැන්වීය.

( ඉන්දිකා රාමනායක)

කින්නියා   කුරිඤ්ඤන්කේනි කළපුවේ  පාළම් පාරුවක් පෙළී    පාසල් සිසුන් ඇතුලු හය දෙනෙකු මියගොස් තවත්  පුද්ගලයන් 20 දෙනෙකුට තුවාල සිදුවීමේ සිද්ධිය සම්බන්ධයෙන් කින්නියා  නගර සභාවේ සභාපතිවරයා කින්නියා පොලිසිය විසින් අද (25) දහවල් අත්අඩංගුවට ගත් බව පොලිසිය කියයි.

මෙම අනාරක්ෂිත  පාළම් පාරුව  කලපුවා හරහා යාත්‍රාකිරීමට අවසර ලබා දීම ඇතුලු කරුණු කිහිපයක් මත සභාපතිවරයා අත්අඩංගුවට ගත් බවද පොලිසිය පවසයි.

සිද්ධිය සම්බන්ධයෙන් ප්‍රකාශයක් ලබා ගැනීම සදහා  අද  පෙරවරුවේ නගරාධිපතිවරයා කින්නියා පොලිසිය වෙත කඳවා ප්‍රකාශ ලබා ගැනීමෙන් පසු අත්අඩංගුවට ගෙන ඇත.

අත්අඩංගුවට ගත්   සභාපතිවරයා      ත්‍රිකුණාමලය මහේස්ත්‍රාත් අධිකරණය වෙත රැගෙන ගොස් ඇත.